БНСУ-ын Soongshil их сургуулийн Нийгмийн халамжийн сургуулийн захирал  Nu Helen,  дэд захирал Kim Kyung Me нар тус сургуулийн 23 магистрант оюутнуудын хамт БУХС-ийн Нийгмийн Ухааны салбарын (Нийгмийн ажил) хамтын ажиллагааны хүрээнд Монголын Нийгмийн ажлын төрийн болон төрийн бус байгууллагаас хэрэгжүүлж буй үйлчилгээ, их дээд сургуулийн дадлага, сургалтын үйл ажиллагаатай танилцах зорилгоор 2016 оны 8 сарын 20-24 –ний өдрүүдэд айлчиллаа.

Айлчлалын хүрээнд:

• Хоёр сургуулийн нийгмийн ажлын сургалтын гадаад хамтын ажиллагаанд хэрэгжүүлэх үйл ажиллагааны цар хүрээг тодорхойлон, гэрээг шинэчлэн батлав.
• Төв аймгийн Зуунмод суманд танилцах дадлагаар ажиллаж буй Нийгмийн ажлын ангийн оюутнуудтай хамтарсан семинарыг зохион байгууллаа. Семинар “БНСУ-ын Нийгмийн халамж үйлчилгээний өнөөгийн байдал”, “Монголын нийгмийн ажил”, “Төрийн Нийгмийн халамжийн үйлчилгээ ба орон нутаг (Төв аймаг)” зэрэг сэдвийн хүрээнд асуулт хариултөрнүүлэн туршлага солилцсон хэлэлцүүлэг хийлээ.
• Төв аймгийн Нийгмийн халамж үйлчилгээний хэлтэс, Хүүхэд гэр бүл хөгжлийн хэлтсийн үйл ажиллагаатай танилцлаа.
• Нийгмийн ажлын 3 ангийн оюутнуудын бэлтгэсэн Соёлын өдөрлөгийг хүрээнд Монголын урлаг, наадам, хоолны соёл, Төв аймгийн орон нутгийн музей зэргийг сурталчиллаа.
• Улаанбаатар хотын НЗД-ын дэргэдэх “Хүүхэд залуучуудын сургалт хүмүүжлийн цогцолбор” , Хөгжлийн бэрхшээлтэй иргэдийн” Ачлалт хүүхдүүд” асрамжийн газарт зочилж, хэрэгжүүлж буй хөтөлбөр, үйлчилгээ, Монголын нийгмийн халамжийн тогтолцоо, практик үйл ажиллагаатай танилцлаа.

Хамтын ажиллагааг амжилттай хэрэгжүүлэхэд дэмжсэн сургууль, салбарын удирдлагууд, Төв аймгийн Нийгмийн халамж үйлчилгээний хэлтсийн дарга Д. Энхболд, нийгмийн ажилтан Н.Даваадорж, Д. Оюунболд, цогцолборын дарга Б. Лхамсүрэн, асрамжийн газрын дарга Б. Саранбаатар нарт талархал илэрхийлье.

 Нийгмийн Ухааны салбар-Нийгмийн ажил