2016 оны 3 сарын 4-6-ны өдрүүдэд  “ТЭМҮҮЛЭЛ” клуб МАЯСАХ-ийн гишүүн клубүүд болон МУБИС, “Мон-Алт-иус биеийн тамирын дээд сургуулийн оюутнуудын дунд гар бөмбөг, газрын теннис, ханан хад, зуун буудалт даам, буухиа гэсэн спортын 5 төрөлт тэмцээнийг амжилттай зохион байгууллаа.

2014 оны 3 сард МехТС-ийн дэргэд байгуулагдсан эрүүл мэнд, спорт, явган аялалын “ТЭМҮҮЛЭЛ” клуб нь Монголын адал явдалт спорт аялалын холбоонд (МАЯСАХ) гишүүнээр элссэн цагаас хойш өөрийн үйл ажиллагааг зөвхөн сургуулийн багш, ажиллагчид, оюутнуудаар хязгаарлалгүй тухайн холбооны хэмжээнд зохион байгуулдаг олон арга хэмжээнд идэвхтэй оролцож ирсэн ба 2015 оны МАЯСАХ-ийн шилдэг клубээр шалгарсан юм. 

Энэхүү тэмцээнд тамирчид  насны нийлбэр дүн болон клубүүдийн  холимог баг бүрдүүлэн оролцсон нь өсвөр, идэр, ахмад насны тамирчдыг бүгдийг хамарч чадсан төдийгүй гишүүд хоорондоо танилцаж, харилцан туршлага солилцох боломж олгосоноороо онцлог болсон юм.

Тэмцээнд нийт 10 баг оролцож

• 1-р байр:Мон алтиус, Тэмүүлэл,Хийморь, клубийн "Тэсрэлт" баг.
• 2- р Байр: Мон алтиус, Дэвжих клубийн " Хурд" баг
• 3 -р байр: Тэмүүлэл, Эв-Эе клубийн "Тэнгэрийн ирвэс" баг тустус эзэллээ.

“ТЭМҮҮЛЭЛ” клубийн нийт баг тамирчиддаа удахгүй болох оюутны “ ТУРИАД” тэмцээнд амжилттай оролцохыг хүсье.

ГХИ – ийн Монгол судлалын тэнхимийн багш Б.Туяа