“M-JEED 1000 ENGINEERS” төслийн хүрээнд Монгол Японы хамтарсан судалгаа хөгжүүлэх зорилгоор ШУТИС болон МУИС-д 20 төслийн батлан хэрэгжүүлж эхлээд байна. ШУТИС-ийн тэргүүлэх чиглэлийн 1-р хэсэг “Шинэ материал, нөөцийн технологийн инженерчлэл”-ийн хүрээнд батлагдсан “Шинэ материал, дэвшилтэт технологийн судалгаа хөгжүүлэлт” сэдэвт хамтарсан судалгааны ажлаар ШУТИС-ийн Эрдэм шинжилгээний албаны дарга Х.Отгон-Эрдэнэ,  МехТС-ийн Машин үйлдвэрлэлийн салбарын профессор М.Дэлгэрмаа,  ХШУС-ийн ХИС-ын дэд профессор М.Наранцэцэг, багш Ю.Ганчимэг Физикийн тэнхмийн багш Г.Цэрмаа, МехТС-ийн Техникийн механикийн багш Д.Болдбаатар, ҮТС-ийн Ой модны инженерийн салбарын багш Ж.Аюурсэд нар нь Япон улсын Нийгата Технологийн дээд сургууль, Нийгата их сургууль, Цукубагийн Материал Судлалын Үндэсний Хүрээлэн, Акита Их Сургууль, Үцүномия их сургууль, Сайтама их сургууль болон No-aa ХХК-д 12 хоногийн хугацаанд ажиллаад ирлээ. Ажлын зорилго нь “M-JEED 1000 ENGINEERS” төслийн хамрах хүрээ, зорилго, хүрэх үр дүнг танилцуулах, судалгааны хамтарсан баг бүрдүүлэх, хамтарсан судлаачдын гэрээ хийх, судалгааны ажлын төлөвлөгөө боловсруулах байсан.

Тус судалгааны сэдвийн дор үндсэн 8 чиглэлтэйгээр судалгаа явуулах болсон бөгөөд энэ айлчлалын хүрээнд 7 чиглэлд хамтарсан багаа бүрдүүлж 1 сэдвийн хүрээнд санамж бичигт гарын үсэг зурж бусад сэдвүүдийн хувьд ажиллах хугацаа хангалтгүй байсан учир 3 сард багтаж санамж бичигт гарын үсэг зурж, төлөвлөгөөгөө гаргахаар хэлэлцээд ирсэн. Харин 1 дэд сэдвийн хүрээнд одоогоор ярилцаж байгаа болно. Үүнд:

• Утаан хатаалгаар хатаасан монголын модныфизик, химийн шинж чанарын үнэлгээ сэдвээр Үцүномия их сургуулийн профессор Prof. Futoshi ISHIGURI-тай хамтран ажиллах санамж бичигт гарын үсэг зурлаа.
• Нунтаг металлургийн аргаар хатуу хайлш үйлдвэрлэх технологийн судалгаа сэдвийн хүрээнд Нийгата технологийн дээд сургуулийн профессор Prof. Yonosuke Murayama
• Хатуу хайлшны ашиглалтын горим тогтоох судалгаа сэдвийн хүрээнд Нийгата технологийн дээд сургуулийн профессор  Prof. Yasuhiro YAMAZAKI, SASAGAWA болон Акита их сургуулийн Prof. Takayuki Tokoroyama
• Металын нанобөөм гаргах, нано материалын судалгаа сэдвийн хүрээнд Нийгата их сургуулийн профессор Prof. Takeshi Yamauch
• Дэвшилтэт Литийн ионы баттерейн технологийн судалгаа сэдвийн хүрээнд Нийгата их сургуулийн профессор Prof. Mineo Sato.
• Полимерийн дахин боловсруулалт, замын витумын шинж чанарыг сайжруулах нэмэлтийн судалгаа сэдвийн хүрээнд Нийгата их сургуулийн Prof. Heejoon Kim (kim@eng.niigata-u.ac.jp) and Prof. Toshiuki Aoki
• Үнэт, хорт, хүнд метал шингээх материал цахиур органик полимерийн судалгаа, практик хэрэглээ сэдвийн хүрээнд Нийгата их сургуулийн Prof. Naoki Kano (kano@eng.niigata-u.ac.jp) and Prof. Heejoon Kim нар тус тус хамтран ажиллахаар хэлэлцээр хийлээ.

Бидний ажилд гүнээ тусалсан Монголын өргөмжлөлт консул Teruya NAKAYAMA, Зүүнхойд азийн эдийн засгийн судалгааны хүрээлэнгийн эрдэм шинжилгээний ахлах ажилтан Ш.Энхбаяр, Нийгата их сургуулийн профессор prof. Nozomu Tsuboi, Нийгата технологийн дээд сургуулийн Гадаад харилцааны проектор prof. Hanzawa, AsiaSEED зөвлөх компаний төлөөлөгч, Инженер технологийн дээд боловсрол төслийн зөвлөх Takatoshi TAKEMOTO нарт баярласанаа илэрхийлж байна.