link
Туркын нийгмийн зүтгэлтэн, нэрт эрдэмтэн Илбэр Ортайлы 2015 оны 10 сарын 12-нд ШУТИС-ийн БуХС-ийн Хүмүүнлэгийн Салбарын урилгаар ШУТИС-т айлчилж, ШУТИС-ийн Төв ном санд “Судрын чуулган” ба Монголчууд сэдвээр нээлттэй лекц уншлаа.
Үйл ажиллагааг нээж ШУТИС-ийн ректор Б. Очирбат нээлтийн үг хэлэхдээ дэлхийд нэртэй эрдэмтэн манай сургуульд зочилон ирж лекц унших болсонд баяртай байгаагаа илэрхийлэв. Мөн БНТУ-аас Монгол улсад суугаа онц бөгөөд бүрэн эрхт элчин сайд Мурат Карагөз үг хэлж энэхүү үйл ажиллагаа нь хоёр орны боловсрол, шинжлэх ухааны харилцааг улам өргөжүүлнэ гэдэгт итгэлтэй байна гэв.
“Судрын чуулган” хэмээх бүтээлийг XIV зууны үед Монгол хаадын зарлиг ёсоор Монголын Эл Хаант улсын сайд, эрдэмтэн Рашид Ад Дин удирдан Болд чинсан тэргүүтэй Монгол, Перс зэрэг олон орны эрдэмтэн, бичгийн хүмүүсийн хамтран туурвижээ. Уг бүтээлд монголчуудаас гадна Европ-Азийн олон ард түмний түүхийг гарал үүслээс нь эхлүүлэн бичсэн түүх, түүхэн газар зүйн аугаа бүтээл юм.
Профессор Илбэр Ортайлы “Судрын чуулган”-ыг Чингис хаанаас өмнөх болон дараах үеийг хамарсан хэдэн зуун жилийн түүх домгийг багтаасан түүхийн үнэ цэнэтэй сурвалж болохыг дурдаад Монголчууд энэ сурвалжийг илүү гүнзгий судлах ёстойг онцлон тэмдэглэж байв.
Лекцийн дараагаар проф. Илбэр Ортайлы болон БНТУ-ын элчин сайдын яамны төлөөлөл ШУТИС-ийн Геологийн музейг үзэж сонирхлоо. Үйл ажиллагааны эцэст ректор Б. Очирбат хүндэт зочдын хамт хүндэтгэлийн зоог барьсан юм.
Энэхүү үйл ажиллагааг амжилттай зохион байгуулсан ШУТИС-ийн БуХС-ийн Хүмүүнлэгийн Салбарын дэд профессор А.Энхбатад талархал илэрхийлье.
Mongolian University of Science and Technology and Ural Federal University Discuss Renewing Their Cooperation Agreement and Expanding Academic Collaboration
Mongolian University of Science and Technology and the Turkish Cooperation and Coordination Agency Discuss Cooperation in STEM Education and Innovation
Rector of National Research University "Moscow Power Engineering Institute" N.D. Rogalev Receives the "Excellence in Education Award of Mongolia"
The 5th International Workshop on Learner-Centered Learning (LCL 2026) Held at MUST
Professors from Poland’s University of Information Technology and Management Visit MUST under the GreenTech Horizons Erasmus+ Project