ШУТИС-ийн харьяа Ш.Отгонбилэгийн нэрэмжит Технологийн сургуулийн үүсч байгуулагдсаны 40 жилийн ойг тус сургуулийн хамт олон 10 сарын 1, 2-ны өдрүүдэд тэмдэглэн өнгөрүүллээ. Технологийн сургуулийн ойн баярын хуралд ШУТИС-ийн Ректор Б.Очирбат оролцож баярын халуун мэндчилгээ дэвшүүлж сургалтын үйл ажиллагаанд нь зориулж зөөврийн компьютер болон проектор бэлэглэв.

Мөн ШУТИС-ийн “Хүндэт профессор” цолоор тус сургуулийн Эрчим хүчний тэнхимийн тэргүүлэх профессор Н.Ёндонжамц, “Эрдмийн зөвлөлийн шагнал”-аар Технологийн сургуулийн захирал С.Эрдэнэбат, СШУТ-ийн дэд профессор, доктор Д.Болор-Эрдэнэ, “Ректорын нэрэмжит шагнал”-аар Сургалт эрхэлсэн дэд захирал Ш.Сүхээ, Хөгжлийн асуудал хариуцсан орлогч С.Давааням шагнагдсаныг гардуулан өгсөн байна. Тус сургуулиас уламжлал болгон зохион байгуулдаг “Эрдмийн баяр-Эрдэмтний өдөр”-ийн хүндэт зочноор ШУТИС-ийн профессор, шинжлэх ухааны доктор, профессор Ц.Нанзад уригдсан оролцож Эрдэнэт үйлдвэрт ажиллаж буй үе үеийн шавь нарын төлөөлөл нь хүндэтгэл үзүүлэв.