link
Дэлхийн оюуны өмчийн байгууллагын ерөнхий захирал Ф.Гарри ШУТИС-ийн “Хүндэт доктор” цол хүртлээ
2015-08-18 18:57
Хуваалцах


     ШУТИС-ийн Эрдмийн зөвлөлийн 2015 оны 06 дугаар сарын 12-ны өдрийн хурлын тогтоолоор Дэлхийн оюуны өмчийн байгууллагын ерөнхий захирал Фрэнсис Гаррид ШУТИС-ийн “Хүндэт доктор” цол өргөмжлөхөөр шийдвэрлэсэн байна. “Хүндэт доктор” цол өргөмжлөх ёслолын ажиллагаа 2015 оны 7 дугаар сарын 22-ны өдөр ШУТИС-ийн Эрдмийн зөвлөлийн өрөөнд болж өнгөрлөө. Ёслолын ажиллагаа дэгийн дагуу явагдаж ШУТИС-ийн ректор Б.Очирбат Дэлхийн оюуны өмчийн байгууллагын ерөнхий захирал Фрэнсис Гаррид “Хүндэт доктор” цолны өмсгөл, тэмдэг, дипломыг нь гардуулан өгч баяр хүргэлээ.
    Фрэнсис Гарри нь Австрали улсын иргэн бөгөөд 1974 онд Австрали улсын Мельбурны их сургуулийг Эрх зүйн бакалавр, 1975 онд мэргэшсэн хуульчийн цолтой төгссөн. 1976 онд Мельбурны их сургуульд эрх зүйн магистр, 1980 онд Кембрижийн их сургуульд Философийн докторын зэргийг тус тус хамгаалсан юм.

     Тэрээр 1974-1976 онд Мельбурн болон Сидней хотуудад хуульчаар, 1979-1984 онд Мельбурны их сургуульд эрх зүйн чиглэлийн багш, ахлах багшаар, 1982-1983 онд БНФУ-ын Дижоны их сургуульд эрх зүйн чиглэлийн зочин багшаар, 1985-2008 онд ДОӨБ-д мэргэжилтэн, хуулийн зөвлөх, дэд захирлын албан тушаалыг хашиж байсан бөгөөд 2008 оноос өнөөг хүртэл ДОӨБ-ын ерөнхий захирлаар 2 дах удаагаа сонгогдон ажиллаж байна.

LAST

Capacity building in the field of higher education STRAND 2

MUST receives its fourth accreditation certificate

4 students awarded “Tavan Bogd” Group’s full tuition fee scholarship

An agreement signed with the best universities of the United States to implement mutually beneficial programs

MUST will participate in the project "Glocal University 30" financed by the Government of the Republic of Korea
MORE NEWS ...

Affiliated schools