БНСУ-ын Күмогийн технологийн үндэсний их сургуульд / Kumoh National Institute of Technology, KIT/ Солонгос Улсын засгийн газрын тэтгэлэгээр  суралцах хүсэлтэй залуу багш , оюутнуудыг магистр, докторын сургалтанд бүртгэнэ.

Тэтгэлэгт хамрагдах хүсэлтэй багш, оюутнууд нь доорх шаардлагуудыг хангасан байх ба дараахь файлыг татан авч  дэлгэрэнгүй мэдээлэлтэй танилцан, зааврын дагуу анкет бөглөнө үү.

1. Мэргэжлийн чадвар: Хүсэлт гаргагчийн сурлагын дүнгийн голч доод тал нь 3.0 байх ба сурлагын амжилт нь 80 хувиас дээш үзүүлэлттэй сурсан  байх.
2. Хэлний чадвар: Англи хэл дээр суралцах чадвартай байх,  Олон улсын чанартай TOEFL, IELST шалгалтыг өгсөн бол оноогоо хавсаргана уу.
3. Тэтгэлэгийн хугацаа:

-Maгистрт (01.09.2014~31.08.2017, 1 жил солонгос хэлний курст + 2 жил магистрын сургалтанд),

-Докторт (01.09.2014~31.08.2018, 1 жил солонгос хэлний курст +3 жил докторын сургалтанд)

- Солонгос хэлний TOPIK шалгалтыг 5 буюу түүнээс дээш өгсөн бол хэлний 1 жилийн бэлтгэлээс чөлөөлөгднө.

1. Хүсэлт гаргагч нь дээрхи сургуульд өмнө нь бүртгүүлж байсан болон сурч байсан тохиолдолд хүсэлтийг хүлээн авахгүй.
2. Хүсэлт гаргагч тухайн үед Солонгосын бусад их дээд сургуульд зэрэг өргөдөл гаргаагүй байх
3. Бүх холбогдох материалыг компьютерээр шивсэн байх ба эх материалаас гадна  илүү 3 хувь бүрдүүлэх
4. Солонгос улсын болон 2 улсын иргэншилтэй оюутнуудыг хамруулахгүй болно.

/Шаардлага хангасан материалыг ШУТИС-ын ГХА-н дээр нэгтгэн КIT руу илгээх бөгөөд Олон улсын боловсролын үндэсний хүрээлэн /NIIED/ эцсийн сонгон  шалгаруулалтыг хийж дүнг 5-р сарын 01-нд GKS болон КIT-ийн вэб хуудсаар зарлана./

Материалыг 2014 оны 03-р сарын 21-ний өдрийн 18.00 цагаас өмнө ШУТИС-ийн төв байрны 218 тоотод,  Гадаад Харилцааны Албанд бүрдүүлж өгнө үү. Заасан  хугацаанаас хойш ирсэн материалыг  хүлээн авахгүй болохыг анхаарна уу.

Жич: Хүсэлт гаргагч нь ШУТИС-ийн  багш,  ажилчид байх

Утас: 329081

ГХА