Дэлхийн 90 орчим улсад 200 гаруй салбар нэгжтэй Япон улсын Мицубиши Корпораци нь 3 дахь жилдээ бакалавр, магистрант, доктрант оюутны сургалтын төлбөрийн тэтгэлгийг олгох гэж байна. Энэхүү тэтгэлгийн зорилго нь Монгол улсын нийгмийн хөгжилд хувь нэмрээ оруулах, ирээдүйтэй шилдэг оюутнуудыг дэмжихэд оршино.

Тавигдах шаардлага:

• ШУТИС-д амжилттай суралцаж буй бакалавр, магистр, докторын түвшний оюутан байх
• Бакалаврын оюутны хувьд  2,3,4-р курст суралцдаг байх
• Сургалтын үнэлгээний голч 3.2 буюу түүнээс дээш байх
• Сургалтын төлбөрийн хувьд санхүүгийн дэмжлэг шаарлагатай оюутан байх
• Эрдэм шинжилгээний хурал, урлаг спортын арга хэмжээнд идэвхитэй  оролцдог бол давуу тал болно.

Бүрдүүлэх материал:

• Тэтгэлэгт хөтөлбөрт хамрагдах хүсэлт, эссэ /Эндээс татаж авна уу/
• Иргэний үнэмлэхний хуулбар/нотариатаар баталгаажуулах шаардлагагүй/ 
• Сургуулийн болон дүнгийн албан ёсны тодорхойлолт
• Хорооны тодорхойлолт / гэр бүлийн гишүүдийн тоо, өрхийн орлогын тухай мэдээллийг багтаасан байх/

※Хөдөө орон нутгийн оюутнууд тодорхойлолт авахад хүндрэлтэй бол тэр талаараа мэдэгдэнэ үү

• Багшийн тодорхойлолт- Оюутны талаар холбогдох тэнхимийн тэргүүлэх профессор, эрхлэгч, удирдагч багшийн аль нэгний тодорхойлолт
• Үзүүлсэн амжилтуудын гэрчилгээ, сертификат, өргөмжлөлийн хуулбар /нотариатаар баталгаажуулах шаардлагагүй/ 

Тэтгэлгийн хэмжээ ба шалгаруулалт:

• Нийт 15 оюутанд /бакалавр-10, магистрант, докторант-5/ тэтгэлэг олгох бөгөөд тэтгэлгийн хэмжээ оюутан тус бүрд 520,000 төгрөг байна.
• Материал илгээж буй оюутан бүр өгөгдсөн сэдвийн дагуу эссэ бичнэ.
• Эхний шатны шалгаруулалт ШУТИС дээр явагдах бөгөөд оюутны бүрдүүлсэн материалд үндэслэнэ.
• Эцсийн шалгаруулалтыг Мицубиши Корпорацийн Улаанбаатар дахь төлөөлөгчийн газраас хийх бөгөөд оюутны бүрдүүлсэн материал болон бичсэн эссэг харгалзан үзнэ.

Материалыг 2013 оны 10-р сарын 16-ний өдрийн 17:00 цаг хүртэл  ШУТИС-ийн төв байрны 2 давхарт 218 тоотод хүлээн авна. Лавлах зүйл байвал 329081 утсаар холбогдоно уу.

Санамж:

• Хугацаанаас хоцорсон болон дутуу бүрдүүлсэн материалыг хүлээн авахгүй.
• Ирүүлсэн материалыг буцаан олгохгүй.