Зорилго

ШУТИС-ийн магистрантын гадаад хэлний нэгдсэн шалгалтын зорилго нь магистрантурт суралцагчдын гадаад хэлний мэдлэгийн түвшинг тогтоох  магистрантурын сургалт дүүргэх шаардлагыг хангасан байдлыг үнэлж дүгнэхэд оршино. 

Магистрантын  гадаад хэлний нэгдсэн шалгалтын зохион байгуулалт

1. ШУТИС-ийн 2012-2013 оны хичээлийн жилийн хаврын улирлын магистрантын гадаад хэлний нэгдсэн шалгалтыг Ректорын 2011 оны А-63 тоот тушаалаар баталсан “ШУТИС-д магистр, доктор(Ph.D)-ын сургалт явуулах, зэрэг хамгаалуулахад баримтлах журам”-ын 10 дугаар зүйлийг үндэслэн 2013 оны 04 дүгээр сарын 20-ны өдөр зохион байгуулан явуулна.
2. Магистрантын гадаад хэлний нэгдсэн шалгалтын зохион байгуулалтын ажлыг МДАлба хариуцна.
3. Шалгалтыг ШУТИС-ийн  Ректорын тушаалаар баталсан комисс авах ба магистрант тус бүрээр дүгнэнэ.
   1. Комисс гадаад хэлний нэгдсэн шалгалтын материалын агуулга, тестийг боловсруулж комиссын даргаар батлуулна.
   2. Гадаад хэлний нэгдсэн шалгалтын агуулга нь ШУТИС-ийн магистрантурын сургалтын гадаад хэлний хичээлүүдийн стандартын түвшинд байх бөгөөд “C” ба түүнээс дээш үнэлгээтэй шалгагдсан тохиолдолд шалгалтанд тэнцсэнд тооцно.
   3. Магистрант олон улсад хүлээн зөвшөөрөгдсөн гадаад хэлний шалгалтын хүчин төгөлдөр гэрчилгээтэй бол уг гэрчилгээнд тавигдсан дүнг үндэслэн магистрантын гадаад хэлний шалгалтыг шууд дүйцүүлэн тооцох асуудлыг шалгалтын комисс шийдвэрлэнэ.
   4. Магистрантаас гадаад хэлний шалгалт авсан комиссын гишүүдийн ажилласан цагийн хөлсийг ШУТИС-ийн холбогдох журмуудын дагуу МДА-аас тооцож олгоно.
   5. Комисс шалгалт авсан материал, холбогдох бичиг баримтыг бүрдүүлэн шалгалтын протокол, дүнгийн хуудсын хамт МДА-нд хүлээлгэн өгнө.
   6. Дүнгийн хуудсанд комиссын дарга гарын үсэг зурж, МДА-ны тамга дарж баталгаажуулна.

Гадаад хэлний нэгдсэн шалгалтанд орох магистрантад тавигдах шаардлага

• Магистрантурын сургалтын төлөвлөгөөнд тусгагдсан нийт хичээлийн гуравны хоёрыг судалж дүүргэсэн байх
• Тухайн улиралд гадаад хэлний нэгдсэн шалгалт өгөхөөр сонголт хийсэн байх
• Магистрант нь гадаад хэлний нэгдсэн шалгалтын төлбөр төлсөн байх
• Шалгалтанд магистрантурт суралцагчийн үнэмлэх, цахим үнэмлэхтэй  ирэх, аль нэг нь байхгүй тохиолдолд шалгалтанд орох боломжгүй
• Шалгуулагчид харандаа баллууртай ирэх

МАГИСТРАНТУР, ДОКТОРАНТУРЫН АЛБА