Монгол, Япон улсын хамтын ажиллагааны хүрээнд 1998 оны 10 дугаар сарын 19-нд Японы Тоёота Корпораци, Техникийн Их Сургуулийн удирдлагууд хамтран ажиллах гэрээнд гарын vсэг зурж, Тоёота – Мотор корпорациас ШУТИС-д хандивласан хөрөнгөөр ШУТИС-ийн хэмжээнд “Тоёота-ШУТИС-ийн сургалтын сан”-г байгуулсан.

Тус сангийн зорилго:

Сурлага, сахилга батаар тэргүүний бөгөөд амьдралын боломж муутай, төлбөрийн чадамжгүй оюутнуудыг сурч боловсрох боломжоор нь хангахад оршиж байгаа юм.

Тэтгэлэг олгох болзол:

1. Тухайн мэргэжлээр явагддаг улс, хотын чанартай олимпиадад оролцдог байх
2. Суралцах хугацаандаа оюутны эрдэм шинжилгээний ажилд идэвхитэй оролцдог байх.
3. (ЭШХ-ын илтгэл, бүтээлийн жагсаалт)
4. Төрийн сангийн зээлд хамрагдаагvй амьжиргааны баталгаажих тvвшингээс доогуур, ядуу амьдралтай оюутнууд
5. Бусад тохиолдолд 4 улирал дараалан амжилттай суралцсан байх
6. Онцгой авьяастай, техникийн сэтгэлгээтэй, сурлага сайтай оюутнуудыг тэтгэлэгт хамруулна.

“Тоёота –ШУТИС-ийн сан”аас тэтгэлэг олгоход баримтлах зvйл:

1. Тэтгэлэгийг зөвхөн ШУТИС-ийн бакалаврын шатны сургалтын өдрийн ангийн оюутнууд авах эрхтэй.
2. Тэтгэлэг авах болзол хангасан оюутнуудыг хичээлийн жилийн эхэнд сонгон шалгаруулалт хийж тодорхойлно.
3. Тэтгэлэг авагч нь өмнөх хичээлийн жилийн үзүүлэлтээр тэтгэлэгт хамрагдана.

Бvрдvvлэх материал:

1. Тэтгэлэг хүссэн тухай өргөдөл
2. Суралцагчийн тухай холбогдох тэнхим, сургуулийн захиргааны тодорхойлолт
3. Тэтгэлэг авахыг хүсэгчийн товч анкет
4. Суралцагчийн голч дүнгийн тодорхойлолт, сургалтын төлбөрийн хэлбэрийг тодорхойлсон Сургалтын албаны тодорхойлолт
5. Суралцагчийн суралцах хугацаандаа оролцож байсан уралдаан тэмцээнүүдийн шагнал, урамшууллын батламж
6. Эрдэм шинжилгээний бүтээлийн жагсаалт
   
   

2012.11.07-ны дотор Т-байрны 306 тоотод материалаа авчирч өгнө үү. Утас: 11-324085, 11-324590-1045