БНСУ-д жил бүр зохион байгуулагддаг “International Student Green Car Competition” тэмцээндих дээд сургууль, коллежийн оюутнууд нь өөрсдийн зохион бүтээсэн бүрэн цахилгаан болон гибрид төрлийн бага оврын автомашинаараа уралддаг. Энэхүү тэмцээн нь БНСУ-ын Hwaseongхотод байрладаг “Солонгосын автомашины туршилт, судалгааны хүрээлэн- KATRI”-гийн туршилтын талбай дээр явагддаг.“Green car” тэмцээн нь:

1. 200 метр зайд хурд авахуулах хугацаа,
2. Автомашины жолоодогдох болон маневрлагдах чадварыг шалгаруулах,
3. Аккумляторын батарейн бүрэн цэнэгээр 45 км зайд уралдах зэрэг төрлөөр явагддаг бөгөөд мөн нийлбэр дүнгээр нь байр эзлүүлдэг.

Тэмцээнийг Солонгосын тээврийн аюулгүй байдлын газар, Солонгосын автотээврийн аюулгүй байдлын холбоо зэрэг байгууллагууд хамтран зохион байгуулдаг бөгөөд Солонгос улсын Тээврийн яам нь ивээн тэтгэгч байгууллагаар оролцдог.Тус тэмцээн нь оюутан залуучуудын техникийн сэтгэлгээг хөгжүүлэх, шилдэг шийдлийг боловсруулах, багаар хамтарч ажиллах чадварыг хөгжүүлэхэд чухал үүрэг гүйцэтгэдэг билээ. Энэ жилийн тэмцээнд нийт 41 баг оролцлоо.  

Механик инженерийн сургуулийн Тээврийн хэрэгслийн профессорын багийн оюутнууд нь “Green car” тэмцээнд энэ жил хоёрдахь удаагаа оролцож, 5-р байранд шалгарлаа.

 Автомашиныг зохион бүтээхэд үнэтэй зөвлөгөө өгсөн “Тээврийн хэрэгслийн профессорын баг”-ин Тэргүүлэх профессор Ц.Цэвэгжав болон ивээн тэтгэсэн, тусалсан байгууллага, хамт олон, хувь хүмүүст талархал илэрхийлье. Мөн автомашиныг зохион бүтээсэн “SME”багийн оюутнууддаа цаашдын ажилд нь амжилт бүтээлийн дээдийг хүсэн ерөөе.