link
ШУТИС, Нийгмийн сайн сайхны төлөө үйлчлэгч Тэндоү төв, Шинжлэх ухааны салбарын Монголын эмэгтэй эрдэмтдийн холбоо хамтран “Өглөөний хүн” хөтөлбөрийн 3 жилийн ойн анхдугаар чуулганыг “Бид өглөөний хүмүүс” сэдвээр 2013 оны 9 дүгээр сарын 27-ны өдрийн 08.00 цагт амжилттай зохион байгууллаа.
Тус чуулганыг Нийгмийн сайн сайхны төлөө үйлчлэгч Тэндоү төвийн тэргүүн Г.Биндэръяа болон ШУТИС-ийн Тамгын газрын дарга доктор Б.Чинзориг баяр хүргэж үг хэллээ.


Чуулганд Цаглашгүй гэрэлт төвийн тэргүүн Д.Ухаанзаяа “Эртэч хүнийг эрхэмлэх Монгол уламжлал” сэдвээр лекц уншив. Мөн Монголын лектор төвийн захирал Ц.Баатархүү “Бүтээмж өндөр хүчирхэг Өглөөний хүн” лекц, Тэндоү төвийн тэргүүн Г.Биндэръяа “Өглөөний хүн-Хөгжлийн гарц” сэдэвт лекц уншиж оюутнуудыг өглөө эрт босох цагийн хуваарийг хэрхэн гаргах өөрийн дотоод сэтгэлдээ хэрхэн суулгах, хүний унтах ёстой цагийн тухай, хэдэн цагт унтаж, хэдэн цагт босох, өглөө эрт боссон цагаа хэрхэн үр ашигтайгаар өнгөрүүлэх тухай сонирхолтой мэдээ мэдээллийг оюутан залууст хүргэлээ.

Лекц уншсан багш нарт Шинжлэх ухааны салбарын Монголын эмэгтэй эрдэмтдийн холбооны гүйцэтгэх захирал доктор Б.Ганцэцэг баяр хүргэж номын дээжээс бэлэг барилаа. Мөн Тэндоү төвөөс “Өглөөний хүн”-ий анхдугаар чуулганыг хамтран зохион байгуулсан ШУТИС болон Шинжлэх ухааны салбарын Монголын эмэгтэй эрдэмтдийн холбооны хамт олонд таларахал гардууллаа.

ШУТИС-аас цаашид Нийгмийн сайн сайхны төлөө үйлчлэгч Тэндоү төвтэй хамтран ажиллаж өөрийн сургуулийн оюутны таван байрны оюутнуудын дунд “Өглөөний хүн” клуб байгуулан оюутнуудаа өглөөний хүн болгохоор анхаарал хандуулан ажиллах юм.
Чуулганд эртлэн босоод цаг заваа гарган ирж оролцсон оюутнууддаа баяр хүргээд “Өглөөний хүн” болох ерөөлийг дэвшүүлье.
Оюутны хөгжил, үйлчилгээний алба
Mongolian University of Science and Technology and Ural Federal University Discuss Renewing Their Cooperation Agreement and Expanding Academic Collaboration
Mongolian University of Science and Technology and the Turkish Cooperation and Coordination Agency Discuss Cooperation in STEM Education and Innovation
Rector of National Research University "Moscow Power Engineering Institute" N.D. Rogalev Receives the "Excellence in Education Award of Mongolia"
The 5th International Workshop on Learner-Centered Learning (LCL 2026) Held at MUST
Professors from Poland’s University of Information Technology and Management Visit MUST under the GreenTech Horizons Erasmus+ Project