НҮБ-ын Хүнс, Хөдөө Аж Ахуйн Байгууллага /ХХААБ/, МУ-ын ҮХААЯ, ШУТИС-ийн Хүнсний инженер биотехнологийн сургууль хамтран 2013 оны 8 сарын 21-24-ны хооронд “Хүнсний тогтвортой хангамж: Хүн амын хүнс тэжээл ба мал аж ахуй” сэдэвт олон улсын 2-р симпозиумыг амжилттай зохион байгуулж тус уулзалт форумд НҮБ-ын ХХААБ-ын төлөөлөгчид, Хүнс, хөдөө аж ахуй, Эрүүл мэнд, Байгаль орчин, Эдийн засгийн яамдын сайд нар, яамдын харьяа байгууллагууд, Олон улсын мал ахуйн хүрээлэн, JIRCAS зэрэг дэлхийн томоохон байгууллагуудын төлөөлөгчид, хүнс, хөдөө аж ахуй, шим тэжээлийн салбарт ажилладаг эрдэмтэн, судлаач, бодлого тодорхойлогчид, мэргэжилтэн, судлаач оюутан залуус, сонирхогчид зэрэг нийт 150 гаруй хүн оролцлоо.

Хурлаар өнөөгийн болон ирээдүйн хүн амд хоол хүнсний тогвортой хангамжийг төлөвлөхдөө байгалийн нөөцийн ашиглалтыг оновчтой зохион байгуулах, биологийн төрөл зүйл, эко тогтолцоо, хүн ардын аж байдал, соёл зан заншилд нийцтэй, эдийн засгийн хувьд үр ашигтай, шим тэжээл хангалттай, аюулгүй эрүүл байхыг тэгш хангасан байх асуудлаар үндэсний болон бүсийн хэмжээнд олон салбар чиглэлээр хэлэлцэж зөвлөмж гаргав.

Тус хуралд Япон, Канад, Бангладеш, Индонез, Энэтхэг, Тайланд, Казакстан, Непал, Гана, Недерланд, Филлипин зэрэг улсаас нийт 30 орчим судлаач болон төрийн байгууллагад ажиллагсад оролцож, өргөн хүрээнд хамгийн сүүлийн үеийн сонирхолтой баримт, шинжлэх ухааны олон талт мэдлэг мэдээлэл, практик туршлагуудыг хэлэлцсэнээс гадна тодорхой чиглэлээр хамтран ажиллах талаар зарим орны төрийн албан тушаалтан, олон улсын байгууллага, их сургуулиудын судлаач профессоруудтай уулзалт ярилцлага зохион байгуулав.

Симпозиумд хэлэлцсэн сэдвүүд:

• Хүнсний тогтвортой хангамж, биологийн олон янз байдал: Мал аж ахуйн салбарын тулгамдсан асуудлууд
• Мал аж ахуй ба байгаль орчны асуудлууд
• Бэлчээр ашиглалтын асуудал (биологийн олон янз байдлыг агуулах)
• Хүрээлэн буй орчны өөрчлөлт ба хүнсний шим тэжээлийн асуудал
• Мал аж ахуй (эрчимжсэн болон бэлчээрийн) – хүнсний шимт чанар
• Хүнсний баталгаат байдал ба малын эрүүл мэнд
• Мах, сүүний хэрэглээ ба хүн амын хооллолтын хэв маягийн өөрчлөлт
• Монгол гүүний сүү, бэлчээр тэжээл
• Сүүний чиглэлийн  мал амьтны төрөл, үүлдэр
• Амьтны гаралтай хүнс, бусад тогтвортой эх сурвалж (ангийн мах, загас далайн бүтээгдэхүүн,  бусад амьтан
• Байгалийн нөөцийн танадалт, ашиглалт (газар, ус, ой, ургамал)
• Ази, Номхон далайн бүс нутгийн хоол хүнс, шим тэжээлийн аюулгүй байдал, мал аж ахуйн хөгжлийн талаархи бүсийн бодлого, чиг хандлага
• Мах, сүүн хүнсний зохистой үйлдвэрлэл, хэрэглээ
• Мах, сүүн бүтээгдэхүүний аюулгүй байдал

Уригдсан үндсэн илтгэгчид:

• Dr. Warren T. K. Lee, Senior Nutrition Officer & Group Leader, Nutrition Assessment & Nutrient Requirements Group Nutrition Division (ESN), FAO
• Dr. Z. Batjargal, Advisor for Environmental Information Center, Ministry of the Environment and Green Development (MEGD), Mongolia
• Dr. L. Damdinsuren, professor for FEBS, MUST
• Dr. Nirut Kunnawat, Advisor to the Minister of Science and Technology of Thailand Minister of Science and Technology of Thailand
• Dr. Harriet V. Kuhnlein, Professor Emerita of Human Nutrition, Founding Director, Centre for Indigenous Peoples’ Nutrition and Environment (CINE) McGill University (Montréal, QC) 
  Dr. Gilbert Jeffrey, The International Livestock Research Institute
• Dr. B. Enkhtuya, professor for FEBS, MUST
• Dr. Seishi Yamasaki, Project Leader, Japan International Research Center for Agricultural Sciences (JIRCAS)
  Dr. A.K.Thiruvenkadan, Head of Department of Animal Genetics and Breeding, Veterinary College and Research Institute, India

Хурлын үеэр олон улсын хүнсний үзэсгэлэн зохион байгуулагдсанаас гадна хуралд оролцогчид  “Цонжин болдог” цогцолбор, 13-р зуун Монголын нүүдэлчин ард түмний ахуй амьдрал, соёлтой танилцах аялал зохион байгууллаа.

ХИБС