ШИНЖЛЭХ УХААН ТЕХНОЛОГИЙН АХЛАХ СУРГУУЛЬД НЭМЭЛТ ЭЛСЭЛТ АВНА

Бүртгэл: 2013 оны 08 дугаар сарын 26-28-ны өдрүүдэд 09.00-18.00 цагийн хооронд ШУТИС-ийн нэгдүгээр байрны 302 тоот өрөөнд бүртгэнэ.

Шалгалт: 2013 оны 08 дугаар сарын 29-ний өдөр 15.00 цагт ШУТИС-ийн Төв номын санд Математикийн хичээлээр авна.

Бүрдүүлэх материал: 

• Суурь боловсролын гэрчилгээ
• Цээж зураг 2%
• Сурагчийн хувийн хэрэг  

Дэлхий дахинд үйлдвэржилтийн эдийн засгаас мэдлэгт суурилсан эдийн засагт шилжих үйл явц эрчимтэй явагдаж байна. Энэ шилжилтээс шалтгаалан боловсролын зорилго, агуулга хурдтайгаар өөрчлөгдөж байгаа бөгөөд баялаг бүтээгч инженер, мэргэжилтнүүд дэлхийн хөдөлмөрийн зах зээлд өндөр эрэлттэй болж байна.

2013-2014 оны хичээлийн жилээс ШУТИС нь өөрийн бүрэлдэхүүн сургуулиудад харъяалагдаж байсан ахлах сургуулиудыг нэгдсэн зохион байгуулалтанд оруулан ШИНЖЛЭХ УХААН ТЕХНОЛОГИЙН АХЛАХ СУРГУУЛЬ байгуулах шийдвэр гаргасан юм.

ШИНЖЛЭХ УХААН ТЕХНОЛОГИЙН АХЛАХ СУРГУУЛЬ нь Монгол улсын хэмжээнд загвар болохоор зохион байгуулагдсанаар орон даяар байгалийн шинжлэх ухааны суурь мэдлэг сайтай, техник технологид сонирхолтой, авъяас чадвартай сурагчдыг элсүүлэн дэлхий дахинд хүлээн зөвшөөрөгдсөн шинжлэх ухаан технологийн ахлах сургуулиудын тусгай хөтөлбөрөөр суралцуулах боломж бүрдүүлнэ.

ШИНЖЛЭХ УХААН ТЕХНОЛОГИЙН АХЛАХ СУРГУУЛЬ төгсөгчид нь дотоодын болон дэлхийн шилдэг их, дээд сургуулиудад техник технологийн чиглэлээр элсэн суралцаж улмаар Монгол улсын технологийн хөгжлийг жолоодох өндөр мэдлэг чадварыг эзэмшинэ.

Шинэ технологийн үсрэнгүй хөгжил, шинэ мэдлэг, олон соёл иргэншил хосолсон 21-р зуунд ШИНЖЛЭХ УХААН ТЕХНОЛОГИЙН АХЛАХ СУРГУУЛЬ эрхэм Элсэгч танд дараах боломжуудыг санал болгож байна.

• Шинэ шилдэг технологи ашиглан SMART буюу ухаалаг ангид электрон хичээл ашиглан суралцах, электрон хичээлээр дамжуулан дэлхийн жишигт нийцсэн өндөр боловсролыг чанартай хүртэх боломж
• ШУТИС-ийн инженерийн мэргэжлийн хөтөлбөрийг судлан, кредит цагийг тооцуулан 2-р курсээс шууд элсэн суралцах боломж
• Дэлхийн шилдэг их,дээд сургуулиудын үндсэн ангид шууд элсэн орохуйц англи хэл, математик, байгалийн ухааны өндөр чадвар эзэмших боломж
• Хамтран ажилладаг дэлхийн шилдэг их, дээд сургуулиудад элсэн, гадаад орнуудын төрийн департаментээс хэрэгжүүлдэг олон төрлийн тэтгэлэгт болон бусад шинэлэг хөтөлбөрт хүртээмжтэй хамрагдах боломж
• ШУТИС-ийн болон хамтран ажилладаг дэлхийн шилдэг их, дээд сургуулиудын эрдэмтэн багш нараар хичээл заалган олон улсад хүлээн зөвшөөрөгдсөн суурь мэдлэгийг бүрэн эзэмших боломж

ТАНД БАЯРЛАЛАА. АМЖИЛТ ХҮСЬЕ.

Лавлах утас: 99906886, 99840888, 96889348, 88110093