ШУТИС-ийн БИАС-ийн Инженерийн зурагзүйн баг нь ОХУ-ын Новосибирскийн ТИС-ийн Механик технологийн факультетийн Инженерийн зургийн тэнхимтэй хамтын ажиллагааны гэрээтэй ажилладаг. Энэ хүрээндээ тэнд 5 сарын 15-аас 18-ны хооронд зохион байгуулагдсан “Инженерийн болон компьютерийн графикийн  олимпиад”-д хоёр дахь жилдээ 2 багш, 3 оюутны бүрэлдхүүнтэйгээр оролцлоо.

Энэхүү олимпиад нь 3 үе шаттай зохиогддог бөгөөд манай оюутнууд бүх оросын муж, хотуудаас шалгарсан шилдэг оролцогчидтой мэдлэг, ур чадвараа сорин өрсөлдлөө.

Олимпиадын онцлог нь техникийн эд ангийн биет загварыг компьютерийн программ хангамж ашиглан 3 хэмжээсээр нарийвчлал сайтай байгуулахаас гадна үйлдвэрлэл хөгжсөн орны хувьд ажлын зургийн гүйцэтгэл дээр  ач холбогдол өгч өндөр шалгуураар дүгнэж байв.

Энэ удаагийн олимпиадад БИАС, МИС, ҮТДС-аас тус бүр нэг оюутан оролцсоноос:

1. Разработка  чертежа детали  в системе проектирования AutoCAD – номинацид А. Анхбаяр (БИАС) 4-р байр,

2. Моделирование сборочных единиц – номинацид Ч. Мөнхжаргал (МИС)  6-р байр,

3. Компьютерный дизайн - номинацид Э. Баярмаа (ҮТДС)  9-р байранд тус тус орлоо.

Мөн олимпиадын үеэр болсон “Информационные технологии и технический дизайн в профессиональном образовании и промышленности” сэдэвт Бүх оросын онол-практикийн V-р бага хуралд багш Н. Доржбалдан, Э. Сувд (БИАС) нар илтгэл тавьж  оролцлоо.  

Инженерийн зурагзүйн баг