Хүнсний инженер, биотехнологийн сургуулийн Шим тэжээл судлалын төв, Оюутны Зөвлөл болон хоолзүйч оюутнуудын "NCN" клуб хамтран оюутны "Зохистой хоол" өдөрлөг 2013 оны 4-р сарын 1-ний өдөр Хоол, шим тэжээлийн лабораторид болж амжилттай өндөрлөлөө. Өдөрлөгийн үеэр оролцогчдын дунд зохистой хооллолтын мэдлэг шалгах "Агшин" асуулт хариултын уралдаан, өглөөний цайны ач тусыг ойлгуулах зорилгоор "Өглөөний цайны цэс зохиох" хөгжөөнт тэмцээнүүдийг зохион байгуулж, оролцогчдын дундаас 3 азтанг сугалаагаар тодруулж, тус лабораториар үнэгүй үйлчлүүлэх эрхээр шагнаж урамшуулав.

Энэхүү арга хэмжээнд идэвхтэй оролцсон ХИБС-ийн оюутнууддаа талархлаа илэрхийлж, цаашдын сурлага хөдөлмөрт нь өндөр амжилт хүсье. Оюутны "Зохистой хоол" өдөрлөгийг цаашид сар бүр зохион байгуулах тул оюутнууд та бүхнийг өргөнөөр оролцохыг урьж байна.

Шим тэжээл судлалын төв, утас: 312124