link

Уралын холбооны их сургуультай инженерчлэл, эрчим хүч, боловсролын солилцооны чиглэлээр хамтын ажиллагааг өргөжүүлнэ
2026-11-18 17:07 Эрх-Амар

2026 оны 11 дүгээр сарын 18-ны өдөр Уралын холбооны их сургуулийн төлөөлөгчид Шинжлэх ухаан, технологийн их сургуульд хүрэлцэн ирж, хоёр талын хамтын ажиллагааг цаашид хөгжүүлэх, хамтын ажиллагааны тэргүүлэх чиглэлүүдийг тодорхойлох талаар уулзлаа. 

Уулзалтын үеэр хоёр тал хөгжил болон хамтын ажиллагааны түүхийн талаар ярилцаж, 2015 онд байгуулсан хамтын ажиллагааны гэрээг өнөөгийн тэргүүлэх чиглэл, цаашдын төлөвлөгөөнд нийцүүлэн шинэчлэх талаар хэлэлцэв.

Уулзалтын үеэр хамтын ажиллагааг инженерчлэл, эрчим хүч, хиймэл оюун ухааны чиглэлээр өргөжүүлэх, багш, ажилтан болон оюутны солилцоог нэмэгдүүлэх, орос хэлний боловсролыг дэмжих зэрэг асуудлыг онцлон авч үзлээ. 

Хоёр тал их сургуулиудын хамтын ажиллагааг бэхжүүлж, боловсрол, эрдэм шинжилгээ, боловсролын солилцооны шинэ боломжуудыг хөгжүүлэх чиглэлээр хамтран ажиллахаа илэрхийллээ.

 

Гадаад Харилцааны алба

Affiliated schools