Жил бүр уламжлал болгон зохион байгуулагддаг ШУТИС-ийн нэрэмжит “Инженерчлэлийн эдийн засаг”-ийн УЛСЫН VI олимпиад 2026 оны 4-р сарын 24-нд өдөр амжилттай болж өндөрлөлөө.

Тус олимпиад ШУТИС-ийн хичээлийн VI байр Мэдээлэл, холбооны технологийн сургууль дээр зохион байгуулагдсан ба үүнд МУИС-ийн Мэдээллийн технологи, электроникийн сургууль, МУИС-ийн Шинжлэх ухааны сургууль, ХААИС-ийн Хэрэглээний шинжлэх ухааны сургууль, СЭЗИС-ийн Инженер технологийн сургууль, ҮБХИС-ийн Аюулгүй байдлын сургууль, ДХИС-ийн Онцгой байдлын сургууль, Глобал удирдагч их сургууль, Хүнсний үйлдвэрлэл технологийн их сургууль, ШУТИС-ийн Барилга архитектурын сургууль, ШУТИС-ийн Механик инженер тээврийн сургууль, ШУТИС-ийн Геологи уул уурхайн сургууль, ШУТИС-ийн Хэрэглээний шинжлэх ухааны сургууль, ШУТИС-ийн Хүнс хөнгөн үйлдвэрлэлийн технологийн сургууль, ШУТИС-ийн Эрчим хүчний инженерчлэлийн сургууль,  зэрэг нийт 15 их, дээд сургуулийн багш, оюутнууд оролцлоо. Олимпиадын үйл ажиллагаанд дээрх сургуулиудын 22 багш 150 гаруй оюутныг удирдаж, хамтын ажиллагааг өргөжүүлэв.

Олимпиадад оролцсон оюутнуудаас гүйцэтгэлээр нэгдүгээр байр 1, хоёрдугаар байр 2, гуравдугаар байр 3 оюутныг тус тус шалгаруулав.

Нийт дүнгээр:

• Тэргүүн байрыг
  • ШУТИС-ийн ГУУС-ийн “Газрын тосны инженерчлэл” хөтөлбөрийн 2 курсын оюутан Г. Сарангэрэл
• Хоёрдугаар байрыг
  • ШУТИС-ийн ЭХИС-ийн “Сэргээгдэх эрчим хүч” хөтөлбөрийн 2 курсын оюутан М.Даваасүрэн
  • ШУТИС-ийн ХХҮТС-ийн “Хэвлэл медиа үйлдвэрлэлийн технологи” хөтөлбөрийн 1 курсын оюутан Ё.Анударь
• Гуравдугаар байрыг
  • ШУТИС-ийн ЭХИС-ийн “Цахилгаан системийн автоматжуулалт” хөтөлбөрийн 2 курсын оюутан Д.Нарангарав
  • ШУТИС-ийн ЭХИС-ийн “Цахилгаан системийн автоматжуулалт” хөтөлбөрийн 4 курсын оюутан Б.Дэлгэржаргал
  • ШУТИС-ийн ГУУС-ийн “Уурхайн цахилгаан тоног төхөөрөмжийн ашиглалт” хөтөлбөрийн 2 курсын оюутан Д.Дэжидхүү нар эзэлж, өргөмжлөл, мөнгөн шагналаар шагнав. Эдгээр оюутныг ШУТИС-ийн Менежментийн сургуулийн Эдийн засаг, санхүүгийн тэнхимийн багш Ц.Энхтуул удирдаж, эхний 3 байрыг эзлэв.

Энэхүү олимпиадыг зохион байгуулахад бүх талаар хамтран ажилласан их сургуулиуд, эрдэмтэн багш нар, нийт оюутнууддаа талархал илэрхийлж, цаашдын сургалт, эрдэм судлалын ажилд нь өндөр амжилт хүсье, Эрдмийн үйлс түгэн дэлгэрэх болтугай!