“Шинжлэх ухаан, технологийн салбарт хөрөнгө оруулалт хийх боломж” сэдэвт долоо хоногийн арга хэмжээ 2026.03.30 өдөр нээлтээ хийж, “Судалгаа, хөгжүүлэлтийн үр дүнг эдийн засгийн эргэлтэд оруулах” сэдвийн хүрээнд хэлэлцүүлэг зохион байгуулагдлаа.

Энэхүү “Судалгаанаас бизнес рүү” аяны хүрээнд шинжлэх ухааны үр дүнд суурилсан төслүүдийг танилцуулах арга хэмжээнд ШУТИС-ийн харьяа Хөнгөн үйлдвэрийн судалгаа, хөгжлийн хүрээлэн дараах судалгаа, туршилтын ажлын үр дүнгээр оролцлоо.

• Борлон ямааны нарийн ширхэгт (15.1 микроны диаметр)-тэй ноолуураар нарийн ээрмэл үйлдвэрлэж түүгээр тансаг зэрэглэлийн ноолууран бүтээгдэхүүн үйлдвэрлэсэн судалгааны үр дүн,
• Арьс ширний үйлдвэрлэлийн хаягдал түүхий эдээс органик био бордоо гарган авах судалгаа шинжилгээний ажлын үр дүнгүүдийг ШУТИС-ын харьяа ХҮСХХ-ийн захирал доктор (Ph.D) Т.Төрмөнх танилцуулав.

Шинжлэх ухаан, судалгааны үр дүнг эдийн засгийн эргэлтэд оруулах, судлаачид болон бизнес эрхлэгчдийн хамтын ажиллагааг бэхжүүлэх, хөрөнгө оруулалт татах зорилгоор тус арга хэмжээ 2026.04.03 өдрийг дуустал Эдийн засаг хөгжлийн яамны Хөрөнгө оруулагчдын эрх ашгийг хамгаалах газарт явагдаж байна.