MNS ISO /IEC 17025:2018 “Сорилтын болон шалгалт тохируулгын лабораторийн чадавхад тавих ерөнхий шаардлага” стандартын сургалтыг 01 дүгээр сарын 28, 29, 30-ны өдрүүдэд зохион байгууллаа. Энэ удаагийн сургалтад Гаалийн ерөнхий газрын Гаалийн төв лабораторитой танилцаж, туршлага судлан сургалтын үр дүнгийн талаар хэлэлцүүлэг хийлээ.

Сургалтаар MNS ISO/IEC 17025:2018 стандартын ойлголтуудыг бодитоор хэрэгжүүлэх арга зүй, баримтжуулалтын туршлага, хэмжил зүйн баталгааг хангах ач холбогдлыг судалж, лабораторийн чанарын удирдлагын тогтолцоог нэвтрүүлэх, сорилтын үр дүнгийн найдвартай байдлыг хангах шаардлагуудын талаар мэдлэгээ дээшлүүллээ.

Сургалтыг зохион байгуулахад дэмжлэг үзүүлж, хамтран ажилласан , “Зита стерлинг” ХХК, Гаалийн ерөнхий газрын хамт олонд талархал илэрхийлье.

Зохион байгуулагч:

Эрдэм шинжилгээ, технологи хөгжүүлэлтийн алба, Захиргаа, удирдлагын газар