1. ШУТИС-Соёлын сар аяны хүрээнд зохион байгуулагдаж байгаа соёл урлагийн арга хэмжээ болох Монгол Улсын Консерваторийн багш оюутнуудын тайлбарт тоглолт 2025 оны 11 сарын 10-ны өдөр амжилттай боллоо. НХС-ийн Түүх, соёл, аялал жуулчлалын тэнхимийн эрхлэгч доктор, дэд профессор Д.Наранцацрал, МУК-ийн Сургалт чанарын албаны дарга Ш.Гульфайруз нар 10.000.000 төгрөгийн өртөгтэй тоглолтыг ШУТИС-ийн багш ажилтан, оюутнуудад  зориулж үнэ төлбөргүй тоглолоо. Тус тоглолтод үндэсний хөгжмийн цөөхүүл, уртын дуу, ардын бүжиг, сонгодог дуу, хийлийн квартет, үлээвэр цохивор хөгжмийн цөөхүүл, жазз хөгжим, дууны төрлийн номеруудыг тайлбартайгаар толилууллаа.

2. Нийгэм хүмүүнлэгийн сургуулийн Түүх, соёл, аялал жуулчлалын тэнхим, ОҮА-тай хамтран  2025 оны 11 дүгээр  сарын 14-нд ШУТИС-ийн  Урлаг танхимд  соёл судлал, философи, инженерийн ёс зүйн хичээл үзэж буй ШУТИС-ийн оюутнуудын дунд  сонгодог хөгжмийн өдөрлөгийг зохион байгууллаа. Тус тэмцээний зорилго: ШУТИС-ийн оюутнуудад соёл урлагийн мэдлэг олгох, хөгжмийн боловсролыг дээшлүүлэх, сургуулийнхаа цаашдын хөгжилд улам идэвхтэй оролцоход оршино.

Тэмцээний ач холбогдол: Сонгодог хөгжмийг ойлгож сонссоноор хөгжим сонсох ур чадварыг эзэмшиж, урлагийг зөвөөр үнэлж дүгнэх, цаашид суралцах үйл ажиллагааг идэвхжүүлэх ач  холбогдолтой болно.

Тус өдөрлөг нь 2002 оноос эхлэн ШУТИС-ийн нийт бүрэлдэхүүн сургуулийн оюутнуудын дунд явагдсаар өдгөө 23 дахь удаагаа зохиогдож байна. Энэ хугацаанд 3000 гаруй оюутнууд оролцож авьяас чадвараа сорин амжилттай зохион байгуулагджээ.

Тэмцээнд оролцогч оюутнууд Дэлхийн болон Монголын сонгодог хөгжмийн зохиолчдын уран бүтээлээс сонсон, өөрсдийн оюуны ур чадвараа сорин өрсөлдлөө.

• I шат Дэлхийн сонгодог хөгжим
• II шат Монголын сонгодог хөгжим

23 дахь удаагийн “Сонгодог хөгжим-2025” тэмцээний шүүгчээр ШУТИС, НХС, ТСАЖТ-ийн эрхлэгч доктор, дэд профессор Д.Наранцацрал, Дуурь бүжгийн эрдмийн театрын менежер Н.Отгонжаргал нар ажиллалаа. Тэргүүн байранд Д.Наранцацрал багшийн “Соёл судлал” хичээл үзэж буй ЭХС, БАС, НХС-ийн “Хүчит таван шонхор” баг, дэд байранд  Ц.Батцэрэн багшийн “Инженерийн ёс зүй” хичээл үзэж буй “Минор” баг, Б.Наранбаатар багшийн “Философи” хичээл үзэж буй “Harmony”  баг  шалгарлаа. СУАТ-ийн нэрэмжит шагналаар ЭХС – О.Амарбаясгалан, ХХҮДС – Б.Буянтогтох нар шагнууллаа.

3. ШУТИС-Соёлын сар аяны хүрээнд TV-5, TV-9 телевизийн “Зочны цаг” нэвтрүүлгийн ярилцлагад оров.