“Эмнэлгийн Инженерчлэлийн Ирээдүй” сэдэвт Улсын Анхдугаар Эрдэм шинжилгээний хурлыг ШУТИС- Эрчим Хүчний Инженерчлэлйн Сургууль-Цахилгаан техникийн салбар болон “Залуу Инженер” клуб, Сүвэн-Уул ХХК хамтран ШУТИС VIII байрны Олон улсын хурлын танхимд амжилттай зохион байгууллаа.

Эрүүл мэндийн салбарт ашиглаж байгаа болон шинээр нэвтэрч буй сүүлийн үеийн тоног төхөөрөмжүүдийн хэрэглээ, ашиглалтын мэдээллийг түгээх, тухайн мэргэжлээр суралцаж буй дэд бакалавр, бакалавр, магистрант, докторант оюутнуудын судалгааны ажил, бүтээлийг танилцуулах, тэдний бүтээлч сэтгэлгээг хөгжүүлэх зорилготой “Эмнэлгийн инженерчлэлийн ирээдүй” эрдэм шинжилгээний хурлыг Монгол Улсын их, дээд сургуулиудад Эмнэлгийн тоног төхөөрөмжийн инженер, техникч мэргэжлээр суралцаж буй нийт оюутан, судлаач нарын шилдэг илтгэл, бүтээлүүдийг 5-р сарын 3-ны өдөр шалгаруулав.

• 2 үе шаттай явагдсан Эрдэм шинжилгээний хуралд I шатад 40 гаруй бүтээл ирүүлсэнээс II шатанд шалгарсан 17 өгүүлэл хэлэлцүүлж шилдэг өгүүллийг шалгарууллаа.
• Биет бүтээл болон Ханан илтгэлийн үзэсгэлэнг гаргаж, шилдэг бүтээлүүдийг шалгарууллаа.

Мөн өдөр “Ажил олгогчдийн өдөрлөг”-ийг зохион байгуулснаараа онцлог байлаа.

Тус өдөр “Эмнэлгийн тоног төхөөрөмжийн ашиглалт” хөтөлбөрийн багш нар, төгсөгчид, ажил олгогчид, оюутнууд нийт 150-180 хүн оролцсон.