ШУТИС нь Япон улсын “Сүмитомо корпораци”-тай хамтран ажиллах гэрээг 2010 онд анх байгуулж байсан билээ. Сүмитомо корпорацын тэтгэлэг нь жил бүр 20 оюутанд 650 ам.доллартай тэнцэх төгрөгийн тэтгэлэг олгодог бөгөөд амжилттай суралцсан тохиолдолд төгстлөө авах боломжтой байдгаараа онцлог юм. 2025 оны 04 дүгээр сарын 02-ны өдөр Эрдмийн зөвлөлийн өрөөнд тэтгэлэг гардуулах ёслолын үйл ажиллагаа болж өндөрлөв. Тэтгэлэг гардуулах ёслолын ажиллагаанд “Сүмитомо корпораци”-ийн Улаанбаатар дахь төлөөлөгчийн газрын дарга Хосокава Такаши, ШУТИС-ийн Сургалт, оюутны хөгжил эрхэлсэн проректор Н.Эрдэнэхүү, Оюутны үйлчилгээний албаны дарга Д.Цогзолмаа, “Сүмитомо корпораци”-ийн төлөөлөгчийн газрын менежер Б.Сансармаа нар оролцож шалгарсан 20 оюутанд тэтгэлгийг гардуулав.

Оюуны хөрөнгө оруулагч Сүмитомо корпорацын хамт олонд ажлын өндөр амжилт хүсэн ерөөе.

Оюутны үйлчилгээний алба

2025.04.02