ШУТИС-ийн  Англи хэлний уламжлалт 30 дахь олимпиад “TOGETHER WE CAN MAKE DIFFERNCES” уриан дор 2024 оны 10 сарын 28-аас 11 сарын 15-ны хооронд 3 үе шаттай амжилттай зохион байгуулагдав. Олимпиадад ШУТИС-ийн бакалаврын хөтөлбөрт суралцаж буй инженер, технологи, хүмүүнлэг, бизнесийн мэргэжлийн 2500 оюутан оролцож, шилдэг 32 оюутан  тэргүүн байр эзлэв.  Олимпиадын шүүгчээр АНУ-ын мэргэжилтэн багш Патришиа Торнтон, МУБИС-ийн мэргэжилтэн багш Винсент Сафарек болон англи хэлний профессор багш нар ажиллалаа. Англи хэлний 30 дахь олимпиадыг ШУТИС-ийн Гадаад хэлний сургууль, Оюутны хөгжил үйлчилгээний алба, “Monex Australia”, “UBIQ Solution”  “Монгол эм импекс концерн” зэрэг байгууллагууд ивээн тэтгэж хамтран ажиллаад байна. “Монгол эм импекс концерн” компани 2 дахь жилдээ тус олимпиадыг ивээн тэтгэж оюутны англи хэлний ур чадварыг хөгжүүлэхэд үнэтэй хувь нэмэр оруулж байна. Олимпиадад идэвхтэй оролцон тэргүүн байр эзэлсэн нийт оюутан залуустаа сурлагын өндөр амжилт хүсч, хамтран ажилласан нийт байгууллагуудад талархал илэрхийлье.