УРИАЛГА

            ШУТИС-ийн захиргаанаас санаачлан зохион байгуулж буй  “Малчдадаа туслах аян”-нд нийт профессор багш, ажилтан, оюутнуудыг нэгдэхийг уриалж байна.

          Хөдөө орон нутагт байгаль, цаг уурын онцгой хүнд нөхцөл, зудын эрсдэл үүссэний улмаас монгол орны уламжлалт мал ахуйн салбарын  хүндрэлийг хохирол багатай даван туулахад малчин түмэндээ дэмжлэг үзүүлэх зорилгоор энэхүү хандивийн аяныг зарлаж байна.

Та бүхэн уг хандивын аянд нэгдэж, мөнгөн болон дулаан хөнжил, хувцас, хүнс хоол, лаа чүдэнз, зай, түлээ мод, малын нэмнээ болон малчдад хэрэгцээтэй байгаа бүхий л зүйлээр эд материалын тусламж үзүүлж болно.

Мөнгөн хандивыг голомт банкны 1175121739 тоот данс /ШУТИС-бидний бахархал төгсөгч дэмжигчдийн холбоо ГҮТББ/-нд авах бөгөөд эд материалын тусламжийг бүрэлдэхүүн сургуулийн оюутны клубууд болон багшийн хөгжлийн багууд дээр хүлээн авна. 

“Малчдадаа туслах аян”-ыг 2024 оны 03-р сарын 01-ний өдрийг хүртэл зохион байгуулж, цугларсан хандивийг Улсын Онцгой Комисст хүлээлгэн өгнө.

ШУТИС-ийн захиргаа

2024.02.22