link
ШУТИС-ийн МТС , МХТС, Дарханы технологийн сургуулиуд нанотехнологи, материал судлал, наноэлектроникийн чиглэлээр сургалт ба эрдэм шинжилгээний ажлын зориулалтайгаар тэмтрүүлт зондын электрон микроскоп (CMM-2000)-ийг ОХУ-ын Зеленоград хот дахь “ПРОТОН-МИЭТ Завод” Үндэсний судалгааны их сургуульд захиалан хийлгэж худалдан авч байгаа юм. Тус ажлын хүрээнд Материалын Технологийн Сургуулийн Материал Судлалын Салбарын эрхлэгч, доктор (PhD) Г.Батдэмбэрэл, Холбоо Мэдээллийн Технологийн Сургуулийн Тоон дохионы боловсруулалт ба микропроцессорын системийн профессорын багийн ахлах багш, Д.Батчулуун нар 2012 оны 6 сарын 17-ноос 25-ны өдрүүдэд ОХУ-ын Зеленоград хот дахь “ПРОТОН-МИЭТ Завод” Үндэсний судалгааны их сургуулийн лабораторид тэмтрүүлт зондын электрон микроскоп (CMM-2000) дээр 32 цагийн сургалтын программыг амжилттай дүүргээд сертификат гардаж авсан байна (сертификатыг хавсаргав).
Энэхүү электрон микроскопыг наношинжлэх ухааны үндэс, наноматериал судлал, электрон микроскоп зэрэг хичээлүүдийг үзэж буй оюутнууд болон нанотехнологи, материал судлалын чиглэлээр курс, дипломын төсөлт ажил гүйцэтгэж байгаа бакалавр, магистр, докторант оюутнууд ашиглах юм. Мөн ШУТИС-ийн багш нар эрдэм шинжилгээний ажилдаа ашиглах боломжтой.
Тус электрон микроскоп CMM-2000 нь төрөл бүрийн материалын гадаргууг микро ба нанот түвшинд судлах, мөн хэмжээст атомуудыг харах чадвартай (зураг).

Тэмтрүүлт зондын электрон микроскоп CMM-2000


Тэмтрүүлт зондын электрон микроскоп (CMM-2000)-ыг бүтээсэн
профессор Борис Альбертович Логинов, түүний шавь Павелийн хамт.
Багш Г.Батдэмбэрэл, Д.Батчулуун нар тэмтрүүлт электрон микроскоп (CMM-2000)
дээр шалгалт өгч байгаа нь.
Материалын Технологийн Сургууль
Mongolian University of Science and Technology and Ural Federal University Discuss Renewing Their Cooperation Agreement and Expanding Academic Collaboration
Mongolian University of Science and Technology and the Turkish Cooperation and Coordination Agency Discuss Cooperation in STEM Education and Innovation
Rector of National Research University "Moscow Power Engineering Institute" N.D. Rogalev Receives the "Excellence in Education Award of Mongolia"
The 5th International Workshop on Learner-Centered Learning (LCL 2026) Held at MUST
Professors from Poland’s University of Information Technology and Management Visit MUST under the GreenTech Horizons Erasmus+ Project