link
ШУТИС 2010 онд “Сүмитомо” корпорацитай хамтран ажиллах гэрээ байгуулсан билээ. Хамтын ажиллагааны хүрээнд “Сүмитомо” корпораци жил бүр механик инженерийн чиглэлээр сурч буй 15 оюутанд тэтгэлэг олгож байхаар болсон юм. ШУТИС-д сурч байгаа сурлагаараа тэргүүлэгч 15 оюутанд “Сүмитомо” корпораци дөрөвдүгээр сарын 18-ны өдөр тэтгэлгийг нь гардуулан өглөө.


Тэтгэлэг гардуулах ёслолын ажиллагаанд ШУТИС-ийн удирдлагууд болон “Сүмитомо” корпорацийн Улаанбаатар дахь төлөөлөгчийн газрын ерөнхий менежер Ясүнори Аоки бусад албаны хүмүүстэйгээ хүрэлцэн ирсэн байв. Тус байгууллага нь одоогоор Азийн 11 орны 41 их сургуулийн 1000 орчим оюутанд тэтгэлэг олгож байгаа бөгөөд 1996 оноос хойш өнөөг хүртэл давхардсан тоогоор нийт 10 мянга гаруй оюутанд тэтгэлэг олгосон байна. Монголд ч гэсэн энэхүү тэтгэлэгт хөтөлбөрт 300 гаруй оюутан хамрагдаад байгаа ажээ.

“Сүмитомо” корпорацийн Монгол дахь үйл ажиллагаа 1991 онд Монголбанкны алт цэвэршүүлэх төслөөр эхэлжээ. Тэд 1996 онд Ньюком болон Японы KDDI-тай хамтран үүрэн холбооны “Mobicom” компанийг үүсгэн байгуулж, мянга гаруй ажлын байрыг бий болгосон юм. Мөн 2004 онд нефтийн бүтээгдэхүүнийг орлох эрчим хүч болох ШНХ (LPG)-ийн импорт, борлуулалтын компанийг үүсгэн байгуулж Улаанбаатар хотын агаарын бохирдлыг багасгахад багагүй хувь нэмэр оруулжээ. 2009 оноос тус корпораци уул уурхайн тоног төхөөрөмжийн импорт борлуулалт, үйлчилгээний компанийг үүсгэн байгуулаад ажиллаж байна.
Mongolian University of Science and Technology and Ural Federal University Discuss Renewing Their Cooperation Agreement and Expanding Academic Collaboration
Mongolian University of Science and Technology and the Turkish Cooperation and Coordination Agency Discuss Cooperation in STEM Education and Innovation
Rector of National Research University "Moscow Power Engineering Institute" N.D. Rogalev Receives the "Excellence in Education Award of Mongolia"
The 5th International Workshop on Learner-Centered Learning (LCL 2026) Held at MUST
Professors from Poland’s University of Information Technology and Management Visit MUST under the GreenTech Horizons Erasmus+ Project