link
Гамшгаас хамгаалах үйл ажиллагаанд тулгарч буй зарим асуудлыг шинжлэх ухаан, техник технологийн ололт амжилт, судалгаа шинжилгээнд тулгуурлан шийдвэрлэх, талуудын салбар сургуулиуд, харьяа эрдэм шинжилгээний хүрээлэн, төвүүд, аймаг орон нутгийн онцгой байдлын анги байгууллагуудын үйл ажиллагааны хүрээг нэгтгэн чиглүүлэх зорилгоор Онцгой байдлын ерөнхий газрын дарга Ц.Амгаланбаяр, Монгол Улсын Шинжлэх ухаан, технологийн их сургуулийн ректор Б.Дамдинсүрэн нар санамж бичигт гарын үсэг зурлаа.

Гамшиг судлалын шинжлэх ухааныг хөгжүүлж, судалгаа, туршилт, зохион бүтээх ажлын үр дүнг гамшгаас хамгаалах арга хэмжээнд нэвтрүүлэх, гамшгаас хамгаалах хүч, хэрэгслийн стандарт, норм, нормативыг боловсруулах, гамшгаас хамгаалах судалгаа шинжилгээ, мэдээлэл солилцох, инженер техникийн албан хаагчдын мэргэжлийн ур чадварыг дээшлүүлж, харилцан үр дүнтэй ажиллахаар санамж бичигт тусгасан байна.

Энэ хүрээнд Онцгой байдлын ерөнхий газар, Шинжлэх ухаан, технологийн их сургуультай 2012-2015 онд хамтран ажиллах хөтөлбөр гаргаад байна.
Гамшгийн үед барилга, байгууламжийн хийц бүтээцэд учирч болох эрсдэл, түүнийг бууруулах арга замыг судлах, инженер техникийн албан хаагчдын мэдлэг ур чадварыг дээшлүүлэх, ШУТИС-ийн багш, оюутнуудад гамшгаас хамгаалах, аюулгүй орчинд ажиллаж, амьдрах ухааны мэдлэг олгох, Улсын нөөцийн зарим бараа, материалын хадгалалтын хэвийн хорогдлын нормыг шинэчлэн тогтоох чиглэлээр судалгаа хийх, Онцгой байдлын асуудал эрхэлсэн байгууллагын автын инженер, техникийн албан хаагчдын мэргэжлийн ур чадварыг дээшлүүлэх, зарим аврах ажлын багаж, тоног төхөөрөмж, техник хэрэгслийг дотоодод үйлдвэрлэх боломжийг судлах, аймаг, орон нутгийн ШУТИС-ийн харьяа болон Онцгой байдлын анги, байгууллагын хамтын ажиллагааг хөгжүүлэхэд хамтран ажиллах юм.
Mongolian University of Science and Technology and Ural Federal University Discuss Renewing Their Cooperation Agreement and Expanding Academic Collaboration
Mongolian University of Science and Technology and the Turkish Cooperation and Coordination Agency Discuss Cooperation in STEM Education and Innovation
Rector of National Research University "Moscow Power Engineering Institute" N.D. Rogalev Receives the "Excellence in Education Award of Mongolia"
The 5th International Workshop on Learner-Centered Learning (LCL 2026) Held at MUST
Professors from Poland’s University of Information Technology and Management Visit MUST under the GreenTech Horizons Erasmus+ Project