МОНГОЛ УЛСЫН АНХНЫ ЕРӨНХИЙЛӨГЧ П.ОЧИРБАТЫН НЭРЭМЖИТ “ЭРДМИЙН XIV ЧУУЛГАН”- оролцох оюутнуудын материалыг 3-р сарын 28 хүртэл хүлээн авна. Материалаа яаралтай ирүүлнэ үү.

ИХ, ДЭЭД СУРГУУЛИЙН ОЮУТНУУДЫН ДУНД ЗОХИОН БАЙГУУЛАГДАХ

 МОНГОЛ УЛСЫН АНХНЫ ЕРӨНХИЙЛӨГЧ П.ОЧИРБАТЫН НЭРЭМЖИТ

 “ЭРДМИЙН XIV ЧУУЛГАНЫ” УДИРДАМЖ

Монгол улсын их, дээд сургуулиудын бакалаврын шатны оюутнуудын эрдэм шинжилгээний шилдэг илтгэл, бүтээлийг шалгаруулах “Эрдмийн XIV чуулган” 2014 оны 04 дүгээр сарын 11-нд ШУТИС дээр зохион байгуулагдах гэж байна.

Хурлыг зохион байгуулагч: ШУТИС-ийн Эрдэм шинжилгээний алба

                                               Оюутны хөгжил, үйлчилгээний алба

                                               Оюутны холбоо

Зорилго:

            Оюутнуудыг судалгаа шинжилгээний ажилд оролцуулах, дадлагажуулах, тэдний эрдэм шинжилгээний ажил, бүтээлийг нийтэд таниулах, дэмжих, бүтээлч сэтгэлгээ, багш оюутны хамтын ажиллагааг хөгжүүлэх, онол практикийн мэдлэгийн уялдаа холбоог сайжруулах, оюутнуудын бүтээлийг ажил олгогчдод танилцуулах, төсөл хөтөлбөрт хамруулах боломж бололцоог бий болгоход оршино.

Энэ удаагийн эрдмийн чуулганаар бакалаврын түвшинд суралцаж буй салбар, салбарын оюутнууд судалгааны ажлынхаа үр дүнг бусдад нээлттэй хэлэлцүүлэх зарчмаар явагдах тул оюутан, багш нарыг өргөнөөр оролцохыг урьж байна.

Хуралдааны салбар, чиглэлүүд:

Салбар 1. Техник, технологи  

Салбар 2. Нийгэм, хүмүүнлэг, дизайн  

Салбар 3. Байгалийн ухаан, экологи

Салбар 4. Эдийн засаг, менежмент (Мэдээллийг http://must.edu.mn/beta3/notice1810  болон www.erdmiinshuvuu.org  хаягаас үзнэ үү).

Шилдэг бүтээлд тавигдах ерөнхий шаардлага:

• Технологийн хялбаршуулсан байдал болон зохион бүтээх, бүтээлч байдал
• Байгаль орчинд хор хөнөөлгүй, хөдөлмөр хамгааллын шаардлагыг бүрэн хангасан байх
• Эдийн засгийн хувьд үр ашигтай, энгийн амьдралд нэвтрүүлж болохуйц байх
• Техникийн оновчтой шийдэлтэй, судалгаатай байх

Судалгааны илтгэлд тавигдах шаардлага:  

• Нийгэм болон мэргэжлийн хүрээнд үнэ цэнэтэй нэг асуудлын шийдлийг эрж хайсан
• Тухайн асуудлыг шийдэж болох аргууд
• Санал болгож буй арга бусад аргаас ямар давуу талтай эсэх, түүний үр дүн
• Илтгэлд зүүлт, тайлбар ашиглан эш татсан эх сурвалжийг тэмдэглэх
• Илтгэлийг бичлэгийн стандартын/ http://must.edu.mn/beta3/menu668/ дагуу бичиж ирүүлнэ.

Хуралд холбогдох зарим чухал огноо:

• Өгүүллийг хүлээн авах хугацаа: 2014-03-28
• Өгүүллийн сонгон шалгаруулж илтгэгчид мэдэгдэх хугацаа: 2013-04-07  
• Бүртгэл: 2014-04-10
• Эрдэм шинжилгээний хурал: 2014-04-11

(Судалгааны илтгэлийн материалыг хэвлэмэл болон PPT хэлбэрээр, бүтээлийн танилцуулгыг  хүснэгтийн дагуу ШУТИС-ийн ОХҮА-ны I-327 тоотод хүлээлгэн өгнө).

*Шилдэг бүтээлийг биет байдлаар 04-р сарын 11-ны өдөр ШУТИС-ийн I-р байрны Хурлын танхимын хуваарилсан талбайд байршуулна.

Хуралдааныг 2 үе шаттайгаар явуулна.

Их, дээд сургуулиуд өөрсдийн сургуулийн Эрдэм шинжилгээний бага хурал, шилдэг бүтээлийн уралдааныг тус тус зохион байгуулж эхний тав хүртэлх байр эзэлсэн оюутнууд оролцох эрхтэй.

I шат. Эрдэм шинжилгээний шилдэг илтгэл, бүтээл шалгаруулахад МУИС, ШУТИС болон бусад их дээд сургуулийн мэргэжлийн профессор, багш нар ажиллаж 2014 оны 04 дүгээр сарын 04 нөөс 08-ны хооронд тодорхой шалгуур үзүүлэлтээр урьдчилан шүүмж, саналаа өгч  дүгнэн салбар тус бүрээс шүүгчид тав хүртэлх илтгэлийг  шалгаруулан II шатанд хэлэлцүүлнэ. 

II шат. Салбар тус бүрээс шалгарсан илтгэлийг 2014 оны 04 дүгээр сарын 11-нд ШУТИС-ийн хурлын танхимд (Төв байр, 3-р давхар) нээлттэйгээр хэлэлцүүлнэ.

 Шагнал урамшуулал:

Оролцогч оюутнуудад эрдмийн чуулганы илтгэл болон бүтээлийн танилцуулгыг эмхтгэн ШУТИС-ийн “Эрдэм шинжилгээний бичиг”-т  хэвлэж хэвлэмэл болон PDF хэлбэрээр олгоно.

Илтгэлийг салбар тус бүрт 3 байр, Бүтээлийг 3 байр эзлүүлэн удирдагч багш, оюутныг шагнан урамшуулна.

• I  байр  Батламж, 400.000 мянган төгрөг   
• II байр  Батламж, 300.000 мянган төгрөг  
• III байр Батламж, 200.000 мянган төгрөг  
• Салбар тус бүрээс шалгарч хэлэлцүүлэгт оролцон байр эзлээгүй оюутанд батламж, дурсгалын зүйл олгоно. 

Жич: Шагналын 30%-ийг удирдагч багшид, 70%-ийг оюутанд олгоно.

Холбоо барих хүмүүс, майл хаяг,  утас:

• Оюутны хөгжил, үйлчилгээний албаны ахлах мэргэжилтэн Д.Цогзолмаа /tsogmaad@must.edu.mn 324590-1035, 99190213/
• ШУТИС-ийн Оюутны холбоо - Эрдэм шинжилгээ, технологийн албаны менежер Б.Идэрмөнх / ideree_4703@yahoo.com, 99704703/

Дэлгэрэнгүй мэдээллийг http://must.edu.mn/beta3/notice1815 авна уу.

  ЗОХИОН БАЙГУУЛАХ КОМИСС