Монгол улсын Шинжлэх Ухаан Технологийн Их Сургуулийн профессор, эрдэмтэн багш судлаачдын дунд хоёр жилд нэг удаа зохиогддог “Эрдмийн чуулган-2025” эрдэм шинжилгээний хурал 2025 оны 04 дүгээр сарын 30-ны өдөр ШУТИС-ийн Олон улсын эрдэм шинжилгээний хурлын танхимд амжилттай зохион байгуулагдлаа.

“Эрдмийн чуулган 2025” нэгдсэн хурлыг ШУТИС-ийн Санхүү, төлөвлөлт эрхэлсэн проректор, доктор, профессор В.Өлзийбаяр нээж ШУТИС-ийн нийт эрдэмтэн багш, судлаачдадаа эрдмийн баярын мэндчилгээ дэвшүүлэв. Мэндчилгээний дараа ШУТИС-ийн Эрдэм шинжилгээ, технологи хөгжүүлэлтийн албаны дарга доктор Ц.Цоггэрэл Эрдмийн чуулганы удирдамжийг уншиж танилцуулав.

Эрдмийн чуулганы үндсэн илтгэлийг БАС-ийн Инженерийн байгууламжийн салбарын ахлах багш, доктор (Ph.D) Б.Аюурзана “Эгийн голыг усан цахилгаан станцын ашиглалт ажиллагааны үед мөсний үзэгдэлд үзүүлэх нөлөөллийн судалгаа” сэдвээр сонирхолтой илтгэлийг хэлэлцүүллээ. 

Энэ удаагийн эрдэм шинжилгээний хуралд шинжлэх ухааны гурван салбарт судалгааны ажлын үр дүн бүхий хоёр шатны сонгон шалгаруулалтаас шалгарсан нийт 30 гаруй илтгэл хэлэлцэгдсэнээс дараах эрдэмтэн судлаачид шагналт байранд шалгарлаа.

Үүнд:

Техник-технологийн салбар:

• I байранд “Detecting malicious urls using machine learning” Б.Мөнхбаяр, МХТС, Мэдээллийн сүлжээ, аюулгүй байдлын салбарын эрхлэгч, доктор (Ph.D)
• II байранд “Ойрын зайн гүйлтийн кинетик ба кинематик шинжилгээнд даралт болон инерцийн мэдрүүр ашигласан нь” Х.Батбаяр, МИТС, Техникийн механикийн тэнхим профессор, доктор (Ph.D)
• III байранд “40Х ганд токарийн хатуу зоролт хийх горимын оновчлол” С.Саруулболд, ДаТС, Инженерчлэлийн ахлах багш

Байгалийн ухаан, хэрэглээний шинжлэх ухааны салбар:

• I байранд “Өвчний үүсгэгч паразитуудыг ялган танихад машин сургалтыг ашиглах нь” Б.Долгорсүрэн, МХТС, Мэдээллийн технологийн салбар дэд профессор, доктор (Ph.D) 
• II байранд “Хоёр хэмжээст материалыг атмосферын орчинд CVD аргаар гарган авах судалгаа” Б.Мөнхпүрэв, ХШУС, Химийн инженерчлэлийн салбарын сургалтын мастер доктор (Ph.D)
• III байранд “Амьдрах хугацааны тархалтын үнэлэлт, хэрэглээ” Т.Гэрэлтуяа, ХШУС, Математикийн тэнхимийн ахлах багш, доктор (Ph.D)

Нийгэм, эдийн засаг, дизайны салбар

• I байранд “Мэргэжил сонголтод нөлөөлөх хүчин зүйлийн судалгаа” П.Одмаа, МС, Эдийн засаг, санхүүгийн тэнхимийн дэд профессор, доктор (Ph.D)
• II байранд “Түр хоноглуулах байраар үйлчлүүлэгчдийн хандлагын судалгаа /ГОТАИ жишээн дээр/” С.Туяа,  НХС, Нийгмийн ухааны тэнхимийн ахлах багш, доктор (Ph.D), дэд профессор
• III байранд “Бага өгөгдөлтэй нөхцөлд шуугиантай галиглагдсан  бичвэрийг хэвийн болгох аргын судалгаа” Б.Золзаяа, МХТС, Мэдээллийн технологийн тэнхимийн дэд профессор, доктор (Ph.D), дэд профессор

“Эрдмийн чуулган 2025“ эрдэм шинжилгээний хуралд оролцсон нийт профессор, эрдэмтэн багш, судлаачид та бүхний эрдэм шинжилгээ, судалгааны ажилд өндөр амжилтыг хүсэн ерөөе.

Зохион байгуулагч:

ЭРДЭМ ШИНЖИЛГЭЭ, ТЕХНОЛОГИ ХӨГЖҮҮЛЭЛТИЙН АЛБА