Сургалтын төлбөрийн зээл

Элсэлтийн ерөнхий шалгалтад 600 болон түүнээс дээш оноо авсан элсэгч, 2.8 болон түүнээс дээш голч дүнтэй суралцаж байгаа дараахь суралцагчдад сургалтын төлбөрийн зээл олгоно:

• Хагас өнчин суралцагч;
• Малчин өрхийн суралцагч;
• Өрхийн нэг гишүүнд ногдох орлого нь Үндэсний статистикийн хорооноос тогтоосон бүсийн амьжиргааны түвшингээс доогуур орлоготой өрхийн суралцагч;
• Гэрээт цэргийн албыг 2 жилээс доошгүй хугацаагаар хаасан суралцагч бол  2016 оны 9 дүгээр сарын 05-ны дотор бүрэлдэхүүн сургуулийн сургалтын албанд дараахь бичиг баримтыг бүрдүүлж өгнө үү.

Сургалтын төлбөрийн зээл хүсэгчийн бүрдүүлэх бичиг баримтын жагсаалт

1. Өргөдөл;
2. Эцэг эх, асран хамгаалагчийн болон суралцагчийн иргэний үнэмлэхийн нотариатаар баталгаажуулсан хуулбар;
3. Бүрэн дунд боловсролын гэрчилгээний хуулбар;
4. Боловсролын үнэлгээний төвийн батламжийн хуулбар;
5. Үргэжлүүлэн суралцагчийн дүнгийн тодорхойлолт;
6. Хагас өнчин суралцагчийн хувьд эцэг, эхийн аль нэг нь нас барсныг гэрчлэх бичиг баримтын хуулбар;
7. Малчин өрхийн суралцагчийн хувьд малчин өрх болохыг нотлох харьяалах сум, дүүргийн Засаг даргаас баталгаажуулсан албан ёсны бичиг баримт;
8. Амьжиргааны түвшинээс доогуур орлоготой өрхийн суралцагчийн хувьд харьяалах сум, дүүргийн Засаг даргаас баталгаажуулсан албан ёсны бичиг баримт;
9. Гэрээт цэргийн албыг 2 жилээс доошгүй хаасан суралцагчийн хувьд 2 жилээс доошгүй хугацаагаар гэрээт цэргийн алба хаасныг тодорхойлсон харьяалах аймаг, дүүргийн Засаг даргын Тамгын газрын Цэргийн штабаас баталгаажуулсан албан ёсны бичиг баримт;
10. Зээлийн баталгаа болон хөрөнгийн баталгаа;

Сургалтын төлбөрийн тэтгэлэг

Дараахь суралцагчдад сургалтын төлбөрийн тэтгэлэг олгоно. Үүнд:

• бүтэн өнчин бакалаврын зэргийн суралцагч;
• хөгжлийн бэрхшээлтэй, эсхүл эцэг, эх нь хоёулаа хөгжлийн бэрхшээлтэй бакалаврын зэргийн суралцагч;
• хөдөлмөрийн чадвараа бүрэн алдсан гишүүнтэй өрхийн бакалаврын зэргийн нэг суралцагч бол 2016 оны 9 дүгээр сарын 05-ны дотор бүрэлдэхүүн сургуулийн сургалтын албанд дараахь бичиг баримтыг бүрдүүлж  өгнө үү.

Сургалтын төлбөрийн тэтгэлэг хүсэгчийн бүрдүүлэх бичиг баримтын жагсаалт

1. Сургалтын төлбөр тэтгэлэг хүсэх болсон шалтгаанаа тодорхой тайлбарласан өргөдөл;
2. Боловсролын үнэлгээний төвийн батламжийн хуулбар;
3. Бүрэн дунд боловсролын гэрчилгээний хуулбар;
4. Эцэг, эх, асран хамгаалагчийн болон суралцагчийн иргэний үнэмлэхийн хуулбар;
5. Холбогдох бичиг баримтын нотариатаар баталгаажуулсан хуулбар, тодорхойлолт;

ОЮУТНЫ ХӨГЖИЛ, ҮЙЛЧИЛГЭЭНИЙ АЛБА