ШИНЖЛЭХ УХААН, ТЕХНОЛОГИЙН ИХ СУРГУУЛЬ

Төгсөгчдөдөө БАТЛАМЖ гардууллаа

ШУТИС-ийн Оюутны соёл, үйлчилгээний алба, БСШУСЯ-ны харьяа Боловсролын хүрээлэнгийн Дээд боловсрол болон мэргэжлийн боловсролын судалгааны сектор, БуХС-ийн багш нарын “Алтангадас” клуб, MSDI- Олон улсын хүний нөөцийн хөгжлийн академитай хамтран 2019-2020 оны намрын улиралд төгсөх курсийн оюутнуудад зориулан “Ажил эрхлэлтэд чиглүүлэх” 8 удаагийн цуврал сургалт, удиртгал, нэгдсэн семинар хэлбэрээр 2019 оны 10 дугаар сарын 15-аас 12 дугаар сарын 10-ны хооронд зохион байгуулсан.

Тус сургалтад хамрагдсан оюутнууд болон нийт төгсөгч оюутнууддаа зориулан ажил олгогч байгууллагуудыг урьж “MUST-NETWORKING BREAKFAST” арга хэмжээг 2019 оны 12 дугаар сарын 25-ны өдөр 11:00-14:00 цагт зохион байгууллаа.

Тус арга хэмжээнд ОСҮА-ны ахлах мэргэжилтэн, доктор (Ph.D) Д.Цогзолмаа БуХС-ийн Технологийн менежментийн салбарын профессор, доктор (Ph.D), дэд профессор Ц.Энхарбаатар, MSDI- Олон улсын хүний нөөцийн хөгжлийн академийн захирал Н.Амаржаргал нар оролцож сургалтад хамрагдсан 94 оюутанд БАТЛАМЖ гардуулав.

Энэхүү арга хэмжээнд нийт 12 байгууллага оролцож байгууллага тус бүр өөрсдийн танилцуулгаа 5-7 минутад багтаан хийж оюутнуудын CV-тэй танилцаж, ярилцлага хийн ажлын байр санал болгох, бүртгэх зэргээр ажилласан. Энэхүү арга хэмжээний талаар NТV телевиз, MJN радиод ярилцлага өгсөн.