ШИНЖЛЭХ УХААН, ТЕХНОЛОГИЙН ИХ СУРГУУЛЬ

Монгол улсын ардын багш, гавьяат багш шинжлэх ухааны доктор, профессор Ц.Өнөрбаян “Багш шавийн барилдлага” сэдвээр сонирхолтой лекц уншлаа

Миний хүн чанар та нарын хүн чанартай салшгүй холбоотой. Учир нь бид хамтдаа байснаараа хүн болж чадна хэмээн эхэлсэн Ц.Өнөрбаян багшийн маань лекц ШУТИС-ийн багш оюутнуудад үнэхээр ач холбогдолтой, ихийг бодогдуулсан, сайхан лекц боллоо.

Уг лекцээр

Хүншихүйн хувьсгал
Би-гээс хагацсан гоо сайхан
Номын эмт чанар
Багшийн төгөлдөр шинж, шүтвэл зохих багш
Багшийг эс шүтэхийн гэм зэм
Багшийг шүтэх шавийн есөн зүйл сэтгэл
Эрдэмд шамдах шавийн шинж

гэх зэрэг утга агуулгын хүрээнд багш шавийн барилдлагын талаар маш сонирхолтойгоор тайлбарлан ярьсан.

Сүүлийн үед нийгэмд сөрөг хандлага давамгайлах болсныг бараг хүн бүр л санаа зовнин ярих болсон. Нийгэмд эерэг хандлагыг бий болгож төлөвшүүлэхэд бид иргэн хүний үүднээс ч, боловсролыг чухалчлан үздэг, нийгмийг түүчээлэгчдийн хувиас ч харвал энэ нь хариуцлага юм. Зөв эерэг хандлагыг хэвшүүлэх нь нэг хүн, нэжгээд хүн, эсвэл нэг байгууллагын шийдэх асуудал биш. Харин үүнд хүн бүр хувь нэмрээ оруулах нь чухал. Бид энэ өөрчлөлтийг буй болгохын тулд бие биеэ хайрлаж, хүндэлж, бусдыг хүлээн зөвшөөрч сурч хөдөлмөрлөж, ажиллаж амьдрахаас эхэлнэ.