“Сумитомо корпораци”-ийн тэтгэлэг олгох хөтөлбөр

Хөтөлбөрийн зорилго:

Азийн хөгжиж буй улс орнуудын ирээдүйн лидер болох шилдэг оюутнуудыг дэмжихэд энэ тэтгэлгийн зорилго оршино.

“Сумитомо Корпораци”-ийн тэтгэлэг олгоход баримтлах зvйл:

  • Нэг жилд нийт 20 оюутанд тэтгэлэг олгох бөгөөд нэг оюутанд олгох тэтгэлгийн хэмжээ жилд 1,000,000 төгрөг байна.
  • Нэг оюутанд 4 жил хүртэлх хугацаанд тэтгэлэг олгох бөгөөд жил бүр суралцсан байдлыг шалган, 3.0-аас дээш голч дүнтэй суралцсан тохиолдолд тэтгэлэгийг сунгах бололцоотой
  • Эхний шатны шалгаруулалт ШУТИС дээр зохион байгуулах бөгөөд оюутны бүрдүүлсэн материал, тавигдах шаардлага, эссэ бичсэн байдлыг харгалзан үзнэ. Эцсийн шалгаруулалтыг “Сүмитомо корпараци”-ийн Монгол дахь албан ёсны төлөөлөгчийн газраас хийх бөгөөд оюутны бүрдүүлсэн материал, эссэ болон ярилцлагын дүнг харгалзана.
  • Зөвхөн эхний шатанд тэнцсэн оюутантай холбогдон ярилцлагын цагийг зарлана.

Тавигдах шаардлага:

  1. ШУТИС-ийн бакалаврын өдрийн ангийн 1 болон 3-р курсын оюутан байх
  2. 30-аас доош насны, Монгол улсын иргэн байх
  3. Тєрийн сангийн зээл болон бусад ямар нэгэн тэтгэлэгт хамрагдаагvй байх
  4. Сурлагын үнэлгээний голч дүн 3.0 буюу түүнээс дээш байх
  5. Санхүүгийн хувьд зайлшгүй дэмжлэг авах шаардлагатай байх
  6. Аливаа хэрэг зөрчилд холбогдож байгаагүй байх

Бүрдүүлэх бичиг баримт:

  • Тэтгэлэгт хөтөлбөрт хамрагдах хүсэлт, эссэ /Эссэг өөрийн сонгосон сэдвийн дагуу бичнэ үү. /Эндээс татаж авна уу
  • Иргэний үнэмлэхний хуулбар /нотариатаар баталгаажуулах шаардлагагүй/
  • Сургуулийн болон дүнгийн албан ёсны тодорхойлолт

- Нийт суралцсан хугацааны голчийг улирал түс бүрээр гарган, дэд захиралаар баталгаажуулах/

- 1-р курсын оюутнууд Ерөнхий боловсролын гэрчилгээний хуулбарыг нотариатаар баталгаажуулан авчрах

  • Хорооны тодорхойлолт /гэр бүлийн гишүүдийн тоо, өрхийн орлогын тухай мэдээллийг багтаасан байх/.
  • Үзүүлсэн амжилтуудын гэрчилгээ, сертификат, өргөмжлөлийн хуулбар /нотариатаар баталгаажуулах шаардлагагүй/ 

- 3-р курсын оюутнууд зөвхөн оюутан байх хугацаанд үзүүлсэн амжилтыг хавсаргана.

- 1-р курсын оюутнууд сүүлийн 2 жилийн амжилтыг хавсаргаж болно. 

Тэтгэлэг үргэлжлүүлэн авах оюутнуудын анхааралд

 1. Албан ёсны дүнгийн тодорхойлолт

Материалыг 2017 оны 03 сарын 09-ний өдрийг дуустал ШУТИС-ийн Төв байрны 2 давхарт 218 тоотод /Гадаад харилцаа, хамтын ажиллагааны алба/ хүлээн авна.

Хугацаа хоцорсон болон дутуу материалыг авах боломжгүй бөгөөд бүрдүүлсэн материалыг эргүүлж олгохгүй болно.

Жич: Оюутнууд бүрдүүлсэн бүх материалаа bolortuya@must.edu.mn хаягаар PDF-file хэлбэрээр давхар илгээнэ үү.

Гадаад харилцаа, хамтын ажиллагааны алба

11-329081