Монголын оюутны холбооноос 2012 онд оюутны улсын аварга шалгаруулах тэмцээнийг спортын 10 төрлөөр зохион байгуулахаар болжээ. Оюутан, залуучуудыг биеийн тамир, спортын хөдөлгөөнд өргөнөөр хамруулах, бие даан дасгал хөдөлгөөнөөр тогтмол хичээллүүлэх, биеийн тамир, спортод хандах хандлага, сонирхлыг өрнүүлэх, нийтийн биеийн тамирыг хөгжүүлэхэд чиглэгдэж байгаа юм. Дээрхи тэмцээнүүдийг БСШУЯ, Биеийн тамир, спортын газар, Монголын оюутны холбоо, Монголын оюутны спортын холбоо, Спортын холбоод, их дээд сургууль, коллежийн биеийн тамирын тэнхим, спортын клубуудтэй хамтран зохион байгуулах юм.  Эдгээр тэмцээний салхийг хагалж энэ сарын 1-5-ны өдрүүдэд воллейболын тэмцээн болж байгаа бол ирэх сарын 9-10-нд гандбол, 9-13-нд жүдо, дөрөвдүгээр сарын 25-27-нд заалны хөл бөмбөг зэрэг тэмцээн болох юм байна.

Монголын мэдээ сонин
2012-02-03 №024/3365/

Шинжлэх Ухаан Технологийн номын сан