Компьютерийн вирусууд дэлхийн бөмбөрцгийн хил хязгаараас хальж бvр сансарт “харайж” явна гэнэ.
Тодруулбал, НАСА агентлагийн мэдээлснээр олон улсын сансрын станцад хэрэглэгддэг нөvтбvvкvvдэд “Gammina AG” вирус халдварлажээ. Ийм вирус өнгөрсөн оны наймдугаар сард анх бvртгэгдсэн бөгөөд компьютерт нэвтэрч сvлжээний тоглоомд орох нууц vгийг хулгайлдаг аж. Вирусууд тойрог замд нэлээд эрт хvрсэн гэж НАСА vзэж байгаа төдийгvй өдгөө ямар арга замаар компьютерvvдэд халдварласан болохыг судалж байна. Эдгээр вирус нь юутай ч Олон улсын сансрын станцын хяналтын системд аюул учруулахгvй аж. Вирустсэн нөvтбvvкvvдийг сансрын нисгэгчдийн хоол хvнсний зохицуулалтын программыг ажиллуулахад ашигладаг. Мөн сансрын нисгэгчдийн электрон захидлыг эх дэлхий рvv vе vе “зөөх” шууданч тагтааны vvрэг гvйцэтгэдэг юм. Зарим эх сурвалжийн vзэж буйгаар эдгээр компьютерт ямар ч вирусын эсрэг программ суулгаагvй байсан гэнэ. Олон улсын сансрын станцад интернэттэй шууд холбогдох оролт байхгvй бөгөөд сансрын нисгэгчдийн нэгнийх нь авч явсан флашаар дамжин вирус нэвтэрсэн байх магадлалтай аж. Тиймээс НАСА агентлаг ирээдvйд дахин ийм явдал давтагдуулахгvйн тулд системийн аюулгvй байдалд дорвитой арга хэмжээ авахаар болжээ.