25 жилийн дараа маш бяцхан хэмжээтэй ч шаардлагатай бvх зvйлээр хангах чадвартай компьютер бий болно гэсэн таамаглалыг алдартай зохион бvтээгч Рей Курцвейл саяхан олон нийтэд дэлгэлээ.

Өнөөгийн өндөрлөгөөс харахад энэ нь сэтгэлд багтахгvй мэт санагдавч биелэгдэж болох л мөрөөдөл. Тvvний хэлснээр мэдээллийн технологийн хөгжил улам нарийсах тусам техник, тоног төхөөрөмжийн овор хэмжээ багасч, ойрын ирээдvйд компьютер нь хvний биеийн эсийн хэмжээтэй дvйхvйц болох аж. Тэрбээр энэхvv таамаглалаа компьютерийн технологийн өөрчлөлт, өсөлтийн хурд бvхий сvvлийн 50 жилийн туршлагад тулгуурлан хийжээ. “Хэрвээ хvн Паркинсоны өвчтэй бол гэмтсэн эд эсийг орлож чадах бяцхан буурцагны хэмжээтэй компьютерийг хvний тархинд суулгаж болно” гэж Р.Курцвейл баталж байна.

Ойрын 25 жилд компьютерvvд нь өнөө vетэй харьцуулахад 100 мянга дахин багасах бол харин тvvнийг vйлдвэрлэгчид тэрбум дахин нэмэгдэх гэнэ. Энэ бvх дэвшил нь оюун ухааныг тэлэхийн тулд бидний тархинд, эрvvл мэндийг тогтвортой байлгахын тулд бидний биед оруулах цусны эсний хэмжээтэй бичил компьютерийг vй олноор нь vйлдвэрлэх хvчин чадал, ур чадвар ойрын 25 жилд бий болохтой холбоотой аж. Ийм компьютерvvд нь мэдрэлийн эд эсийг дотроос нь тэтгэж, бvхий л асуудлыг шийдэж чадах бөгөөд хийсвэр сэтгэлгээ бодит байдалд орж ирэхэд тусална” гэж Р.Куртвейл vзэж байна. Өөрөөр хэлбэл, хийсвэр ертөнц бодит ертөнцтэй өрсөлдөх болно. Хvн төрөлхтөн ширээн дээр компьютер тавиад суух бус харин компьютер бидний дотор оршино гэсэн vг аж.

Р.Курцвейл нь технологийн инновацийн боловсруулалтын алдартай мэргэжилтэн юм. Тvvний нэрээр овоглогддог олон технологийн шийдлvvд бий. Тухайлбал, тэр хараагvй хvмvvст зориулсан уншлагын төхөөрөмж бvтээсэн юм. Уг төхөөрөмжийн тусламжтайгаар олшруулах машин аль нэг номын хуудаснаас текстийг хуулбарласны дараа тvvнийг нь дуулдахаар уншиж сонсгодог аж. Технологийн дэвшлийг хурдасгаснаар хvн төрөлхтөн ертөнц дээрх хамгийн ухаантай, өндөр бvтээмжтэй биет болно. Ойрын 100 жилд биднийг өмнөх зуунуудаас илvv их нээлт хvлээж буй гэдэгт тэрбээр итгэлтэй байна.