| БИЕИЙН ТАМИР, СПОРТЫН СУРГАЛТЫГ ЗОХИОН БАЙГУУЛАХ ЖУРАМ НЭГ. НИЙТЛЭГ ҮНДЭСЛЭЛ ШУТИС-д сургалтын шинэ технологийг хэрэгжүүлж байгаатай уялдан биеийн тамирын хичээл, спортын сонгон суралцах секцийн хичээлүүдийг шинэлэг хэлбэрээр зохион байгуулах шаардлага гарч байгаа юм. ХОЁР. "СПОРТ-КРЕДИТ"-ИЙН НОРМЫН БОЛЗЛЫГ ДҮГНЭХ - 2.1. 2001/2002 оны хичээлийн жилээс ШУТИС-д элссэн оюутны биеийн тамирын хичээлээр авах кредитийг ШУТИС-ийн "Спорт-кредит"-ийн нормын болзлыг биелүүлсэн тохиолдолд олгоно.
- 2.2. Тус нормын болзолд тусгагдсан (Хавсралт "Спорт-Кредит" нормын болзол) спортын төрлийн үзүүлэлтүүдийг 70 ба 30 оноогоор үнэлэн 80%-ийг биелүүлсэн тохиолдолд уг нормын болзлыг хангасанд тооцно.
- 2.3. 70 оноог биеийн ерөнхий хөгжилт, хөнгөн атлетик, жагсаал зохион байгуулалтын төрлүүдээр тус тус биелүүлэх болно.
- 2.4. Сургалтын агуулга нь нэг кредит байх бөгөөд төлбөрийг оюутан тус сургуульд элссэн хичээлийн жилийн эхэнд төлнө.
- 2.5. Биеийн тамирын секц, дугуйланд хичээллэх сургалтын 48 цаг гэж үзнэ. Энэ нь үйлчилгээний картаар баталгаажин нэг хичээлийн жилийн хугацаанд хүчин төгөлдөр байна. Секц дугуйланд хичээллэх картыг нэгж нь дууссан оюутан нэмэлт төлбөр хийж нэгж худалдан авч үйлчлүүлж болно.
- 2.6. Оюутан хүсвэл тус сургуульд суралцах бүх хугацааны турш секц дугуйланд хичээллэснээр энэхүү нормыг биелүүлж болох юм.
- 2.7. Оюутан нь сургалтанд хамрагдахгүйгээр шалгалт өгч болох бөгөөд энэ тохиолдолд кредитийн төлбөрийг бүтэн төлж сургалтанд хамрагдана.
- 2.8. Эрүүл мэндийн хувьд уг нормын болзлыг хангах сургалтанд хамрагдах боломжгүй оюутнууд өвчний ангиллаар эмчилгээний биеийн тамирын бүлэгт хичээллэнэ.
- 2.9. Эмчилгээний бүлгийн оюутны шалгалтын үнэлгээг хичээлийн ирц идэвхээр үнэлнэ.
- 2.10. Сургуулийн шигээ баг хөл бөмбөг 20, волейболд эрэгтэй, эмэгтэй тус бүр 14, сагсан бөмбөг 12, аэробикт 15, ширээний теннесний төрөлд 15, бөхийн төрлүүдэд 20, хөнгөн атлетик 20, өвлийн спортын төрөлд 12 хүний бүрэлдэхүүнтэй байх бөгөөд шигээ багийн оюутнууд төлбөргүй хичээллэнэ.
ГУРАВ. УРАМШУУЛАЛ - 3.1. ШУТИС-ийн нэрийн өмнөөс оюутны болон хот, улс, олон улсын тэмцээнүүдэд амжилттай оролцон шагналт байранд шалгарсан нөхцөлд сонирхсон болон хоцорсон хичээлээр нь нэмэлт хичээл заалгах кредитээр шагнаж урамшуулна. Үүнд:
- - Их дээд сургуулиудын оюутны тэмцээнд 3 кредит
- - Хотын аварга шалгаруулах тэмцээнд 4 кредит
- - Улсын болон олон улсын тэмцээнд 6 кредит
ДӨРӨВ. "СПОРТ-КРЕДИТ" НОРМЫН БОЛЗЛЫГ ШАЛГАХ - 4.1. "Спорт-кредит" нормын сорилыг улиралд 2 удаа Сургалтын Бодлого Зохицуулалтын Газраас сургалтын нэгдсэн хуанлийн тогтоосон хугацаанд авна. Сорилын 7 хоног хичээлийн хуваарьт орохгүй.
- 4.2. Оюутны "Спорт-кредит" нормын болзлыг хангасан эсэхэд Сургалтын Бодлого Зохицуулалтын Газраас хяналт тавьж ажиллана.
ТАВ. БАГШЛАХ БОЛОВСОН ХҮЧНЭЭР ХАНГАХ Биеийн тамир, спортын сургалтын орчин үеийн шаардлагад нийцүүлэн явуулах зорилгоор биеийн тамирын багш нарын мэргэжлийн ур чадвар, түвшинг тодорхойлох шалгуур үзүүлэлтүүдийг тогтоосны үндсэн дээр багш нарыг Ректорын зөвлөлөөс гаргасан шийдвэрийн дагуу аттестатчилж байна. | 
