 |
 |
 |
| ШУТИС-ИЙН САНХҮҮ, ЭДИЙН ЗАСГИЙН ГАЗРЫН 2008 ОНЫ АЖЛЫН ТАЙЛАН
ШУТИС-ийн санхүү, эдийн засгийн үйл ажиллагаа нь Эдийн засаг, нийгмийн хөгжлийн проректорын удирдлагын дор Санхүү, эдийн засгийн газар дээр бүрэн орон тоогоор, албан тушаалын тодорхойлолт, хөдөлмөрийн гэрээ, ажлын төлөвлөгөөнд тусгагдан хэрэгжиж байна. 2008 онд ШУТИС-ийн санхүү, эдийн засгийн газар дараах үндсэн чиглэлээр үйл ажиллагаагаа явуулж ирлээ. Үүнд: 1. 2001 онд боловсруулан гаргаж, хэрэгжүүлж байсан Мастер төлөвлөгөөний хэрэгжилтийн байдалд судалгаа, дүгнэлт хийж, түүнийг цаашид улам боловсронгуй болгох, Монгол Улсын Боловсролыг 2006-2015 онд хөгжүүлэх болон Шинжлэх ухаан, технологийг 2020 он хүртэл хөгжүүлэх Мастер төлөвлөгөөнүүдтэй уялдуулан "ШУТИС-2015 он Мастер төлөвлөгөө"-г боловсруулан гаргах ажлыг хамтран гүйцэтгэж, Удирдах зөвлөлөөр батлуулан түүнийг хэрэгжүүлэхэд чиглэсэн хөтөлбөр, төслүүд дээр ажиллаж байна. 2. 2007 оноос эхлэн онол арга зүйн зохих түвшинд, стандартын дагуу ШУТИС-ийн үйл ажиллагааны /2008, 2009 оны болон 2008-2010 оны/ бизнес төлөвлөгөөг боловсруулж гаргасан ба хэрэгжүүлэх, хяналт тавих, дүгнэх үйл ажиллагаа тухай бүр явагдаж байна. 3. Санхүү, эдийн засгийн холбогдолтой бодлогын баримт бичиг, дүрэм, журам, заавар боловсруулан, мөрдөн ажиллаж байна. Тухайлбал, ШУТИС-ийн төсөв, санхүүгийн үйл ажиллагааны журам, Нягтлан бодох бүртгэлийн бодлогын баримт бичиг 2007 оны сүүлчээр батлагдаж гарсан. 2008 оны эхнээс "Санхүүгийн хуанли"-г гаргаж мөрдүүлж эхэлсэн. Санхүү, бүртгэлийн ажилтнуудын ажлыг дүгнэх журам гаргаж, уг журмын дагуу аттестатчиллыг явуулж, ажлын үнэлгээг хийсэн. Сургууль хоорондын кредит тооцооны коэффицент тогтоох судалгаа, тооцоог хийж, холбогдох журмыг боловсруулж батлуулав. 4. Хичээлийн болон санхүүгийн жилийн орлого, зардлын төсөв боловсруулах, хэлэлцүүлж батлах, мөрдөж ажиллах, хяналт тавих, тодотгох, тайлагнах асуудал жил бүр тогтсон хугацаандаа хийгдэж байна. Төсвийн төслийг сургууль бүрээр нарийн тооцож, хянаж, сургуулиудын захирал, ахлах ня-бо нараар төсвийг нь хамгаалуулах ажлыг зохион байгуулсан. 5. Бүрэлдэхүүний сургуулиуд, нэгжүүдээс жил бүрийн төсөвт тодотгол хийлгэх саналыг хүлээн авч нэгтгэн, СЭЗГ-ын хурал, ЭЗНХ-ийн проректороор хэлэлцүүлэн тодотгосон төсвийг бүрэлдэхүүн сургууль, нэгжүүдэд хүргүүлсэн. 6. Санхүүгийн программд хийх шаардлагатай засвар, өөрчлөлтийн талаарх саналыг "ЕСМ" ХХК өгч, дансны гүйлгээний нэмэлт мэдээлэл, цалингийн тооцоо, цалингийн дансны бичилтүүд, бараа материалын дэлгэрэнгүй бүртгэл, үндсэн хөрөнгийн дэлгэрэнгүй бүртгэл, элэгдэл тооцох, элэдглийн журнал, элэгдлийн тайлан, санхүүгийн тайланг шинэчилсэн маягтаар гаргах зэрэг засварыг хийлгэсэн. 7. Бүрэлдэхүүн сургууль, нэгжүүдийн төсвийн гүйцэтгэлийн мэдээг сар бүр авч, нэгтгэн гаргасан. 8. 2009-2011 оны дунд хугацааны төсвийн төслийг БСШУЯ болоод Сангийн яаманд хүргүүлсэн. 9. Дээд боловсролын байгууллагын шалгуур үзүүлэлтийг хэрхэн хангаж байгаа талаар бүрэлдэхүүн сургуулиудаас гаргуулан авч нэгтгэн дүгнэж, санхүүгийн тайлангийн шинжилгээнд оруулсан. 10. Багш, ажиллагчдын цалинг нэмэгдүүлэх талаар судалгаа хийж, цалингийн сүлжээг боловсронгуй болгох матриц зохиож, албан тушаалын зэрэглэл, шатлалын уялдаа холбоог хангах боломж бүхий цалингийн сүлжээг гаргаж мөрдүүлж байсан. Гэхдээ 2008 оны эхээр Засгийн газрын тогтоолоор батлагдсан цалингийн сүлжээг мөрдөх болсон. Энэ нь зарим талаар доголдож байгаа нь мэдрэгдсэн тул 2009 оны эхнээс цалингийн сүлжээг боловсронгуй болгох тооцоог дахин хийж байна. Үүнтэй холбоотойгоор ажиллагчдын цалингийн өсөлтийн зарим хэсгийг ажлын үр дүнтэй нь уялдуулах журам боловсруулж байна. 11. Профессор багш нарт эрдмийн цол, зэргийн нэмэгдлийг олгож байгаа. 12. Нийт багш, ажиллагчдад унаа, хоолны хөнгөлөлтийг 2007 онд нэг хүнд, нэг сард 33.0 мян.төгрөгөөр, 2008 онд 39.6 мян.төгрөгөөр өгсөн. Багш, ажиллагчдын цалингийн өсөлт, санхүүгийн ачааллыг тооцож 2009 оны нэгдүгээр сараас унаа хоолны хөнгөлөлтийг зогсоохоор болов. 13. Багш ажилтнуудын нийгмийн асуудлын судалгааг хийж, сайжруулах талаар тодорхой саналууд бэлтгэж хэлэлцүүлж, зарим ажлууд хийгдэж байна. Тухайлбал, Баянгол цогцолборын олон жил шийдвэрлэгдэхгүй байсан газрын эзэмшил ба газар зохион байгуулалтын асуудлыг шийдэж, хотын ерөнхий төлөвлөгөөтэй уялдуулсны хамт газрыг айл өрх бүрт хүргэн гэрчилгээжүүлэх ажил хийгдэж байна. 14. Сургуулийн хэмжээнд сурч, ажиллах орчинг бүрдүүлэх талаар анхаарч, жил бүрийн төсөв, төлөвлөгөөнд тодорхой тусгаж, хэрэгжүүлэх арга хэмжээ авсан. 15. Оюутны байрны жил бүрийн орлого, зардлын тооцоог хийж, дүн шинжилгээ гаргадаг ба байрны төлбөрийн асуудлыг тухай бүр судалж Удирдах зөвлөлийн хурлаар хэлэлцүүлэн шийдвэрлүүлсэн. 16. Голомт банкин дахь харилцах дансуудын гүйлгээнд хяналт тавьж, бүрэлдэхүүн сургууль, нэгжүүдийн тухайн сар зарцуулах зардлын төсвийг сар бүр Голомт банкинд хүргүүлж, төсвийг хянан ажиллаж байна. 17. ШУТИС-ийн санхүү, эдийн засгийн үйл ажиллагаанд бүрэлдэхүүний сургууль, хүрээлэн төв нэгжүүд оролцож, нэгдсэн тайлан баланс гаргаж, холбогдох газарт тайлагнаж байна. Тухайлбал, Бүрэлдэхүүн 14 сургууль, 5 нэгжийн жилийн эцэс, улирлын санхүүгийн тайланг шалгаж хүлээн авч нэгтгэн, санхүүгийн нэгдсэн тайланг Баланс СТ-1А, Үр дүнгийн тайлан СТ-2А, Мөнгөн гүйлгээний тайлан СТ-3А, Өмчийн өөрчлөлтийн тайлан СТ-4А маягтаар, нэмэлт тодруулгыг Үндсэн хөрөнгийн тайлан ТБСТТ-1, Бараа материалын тайлан ТБСТТ-2, Өглөгийн тайлан ТБСТТ-3, Авлагын тайлан ТБСТТ-4, Ажиллагчдын орон тоо, цалингийн сангийн тайлан ТБСТТ-5 маягтаар тус тус гаргаж, өр, авлагын жагсаалт, илтгэх хуудасны хамт гаргаж БСШУЯам-нд тушааж байна. 18. Санхүүгийн тайлангийн шинжилгээг хийж, бүрэлдэхүүн сургууль, нэгж бүрээр хэлэлцэж, анхаарах асуудлыг тодруулж, холбогдох заавар, зөвлөмжийг өгч, цаашид хэрэгжүүлэх арга хэмжээ авсан. Бүрэлдэхүүн сургууль, нэгжийн төсвийн төсөл, үйл ажиллагааны болон санхүүгийн тайлан хамгаалуулах ажлыг зохион байгуулсан. 19. Бүрэлдэхүүн сургуулиудын санхүү, эдийн засгийн үйл ажиллагааг сайжруулах, чадавхижуулах талаар тодорхой арга хэмжээ авч ажиллаж байна. Тухайлбал, санхүүгийн чадавхи боломжийн судалгааг хийж холбогдох албан даалгаврыг 2008 онд 2 удаа өгч, хэрэгжүүлэх арга хэмжээнд хяналт тавин ажиллаж байна. Сургуулиудын санхүүгийн хүндрэлтэй үед сургууль хоорондын зохицуулалтын холбогдох арга хэмжээ авч хэрэгжүүлсэн. 20. СТС-аас санхүүжих сургалтын төлбөрийн тооцоог бүрэлдэхүүн сургуулиудаас авч нэгтгэн, СТС-тай тулган баталгаажуулж, санхүүжилтын хуваарилалтыг хийж, бүрэлдэхүүн сургуулиудад шилжүүлсэн. 21. Улсын төсвөөс өгч буй тогтмол зардлын санхүүжилт, оюутны унааны зардал болон сургуулийн дотоодын интернэтийн төлбөр, номын сангийн барилгын хөрөнгө оруулалт, төвлөрсөн арга хэмжээний зардлын тооцоог улирал бүр хийж, санхүүжилтийг сургуулиудад хуваарилан шилжүүлж байна. 22. Өмч хөрөнгийн ашиглалт, хадгалалт, хамгаалалтыг сайжруулахад чиглэсэн арга хэмжээг авч хэрэгжүүлж, тооллого бүртгэлийг явуулж, шинээр хөрөнгө авах, хуучныг актлах асуудлыг зохих журмын дагуу шийдвэрлэж байна. Өмч хамгаалах байнгын зөвлөлийн хурлыг зохион байгуулж ажиллав. Бүрэлдэхүүн сургууль, нэгжийн акталж данснаас хасах үндсэн хөрөнгийн материалыг шалган хүлээн авч, Өмч хамгаалах байнгын зөвлөлийн хурлаар хэлэлцүүлэн, БСШУЯам, Төрийн өмчийн хороонд уламжлан шийдвэрлүүлж байна. Тухайлбал, 2008 онд бүрэлдэхүүний 13 сургууль, Захиргаа, Эрдэмнэт сүлжээний төв, MUST-ХҮҮТөвийн нийт 1437 нэрийн 987,548,2 мян. төгрөгийн үндсэн хөрөнгийг акталж, данснаас хасахаар Төрийн өмчийн хороогоор шийдвэрлүүлж, тогтоолыг албан бичгийн хамт бүрэлдэхүүн сургуулиуд, нэгжид хүргүүлэв. 23. Ажлын ачаалал, шаардлагын дагуу захиргааны болон ШУТГ-ын бүртгэл санхүү, тооцооны ажилтны нэг орон тоог батлуулж, ажиллуулж байна. 24. ШУТСангаас санхүүжиж байгаа төслийн тооцоо хийж, бүртгэлийг хөтлөн ШУТИС-ийн санд болон бүрэлдэхүүн сургуулиудад төслийн орлогын зохих хувийг шилжүүлж байна. 25. Магистрантур, докторантурын албаны сургууль хоорондын кредит цагийн тооцоог бүрэлдэхүүн сургуулиудтай хийж байна. 26. Жилдээ 2 удаа бүрэлдэхүүн сургуулиудаар явж, өмч хөрөнгийн хадгалалт хамгаалалт, агуулахын зохион байгуулалт, эмх цэгц, бүртгэл тооцоонд хяналт тавьж, зөвлөгөө, даалгавар өгч ажилласан. 27. ШУТИС-ийн хэмжээний ажлын байрны тооллого явуулах ажлын удирдамж боловсруулж, ажлын хэсэг байгуулан ажилласан ба энэ ажлын үр дүнг 2009 онд хэрэгжүүлнэ. 28. Бүрэлдэхүүн сургуулиудын кассанд жилд 2 удаа гэнэтийн тооллого, шалгалтыг явуулсан. 29. ТӨХ, бүрэлдэхүүн сургуулийн захирал, ахлах нягтлан бодогч нартай байгуулах Өмч эзэмшлийн гэрээ болон гэрээний хавсралтуудыг шалган хүлээн авч, ТӨХ-нд хянуулж, гэрээ байгуулах ажлыг зохион байгуулав. 30. Төсвийн зардлын гүйцэтгэл, авлага, өглөгийн мэдээг сар бүр сургуулиудаас авч, нэгтгэн гаргаж байна. 31. СТС-ийн санхүүжилт, оюутны унааны зардлын санхүүжилтийг тооцоог СТС-тай тогтмол хийж, санхүүжилтийг тухай бүр сургуулиудад хуваарилан шилжүүлсэн. 32. Ерөнхий менежерийн үр дүнгийн гэрээний санхүүгийн үйл ажиллагаатай холбоотой биелэлтийг хагас, бүтэн жилийн байдлаар гаргаж өгсөн. 33. ШУТИС-ийн статистик мэдээллийн олон жилийн динамикийн үзүүлэлтийн маягтыг шинэчлэн, динамик үзүүлэлтүүдийг нэгтгэн гаргасан. 34. Сар, улирал, жилийн байдлаар нэгтгэн гаргадаг статистикийн мэдээ, тайланг цаг хугацаанд нь гаргаж өгдөг, тухайлбал, дээд боловсролын статистик мэдээлэл болох суралцагчдын мэргэжил, анги, нас, хүйс, орон нутгийн харьяалал, зардал хангамж, төгсөлт, шилжилт хөдөлгөөний талаарх мэдээллийг ДБ-1,2,3,7,8,13 маягтаар, багш ажиллагчдын тоо, шилжилт хөдөлгөөн, ажилласан жил, цолны талаархи мэдээллийг ДБ-5.9.10 ШУТИС-т хэрэгжиж байгаа төсөл хөтөлбөрийн талаар мэдээллийг ДБ-12 маягтаар, мэргэжлийн анхан ба дунд шатын боловсрол олгох сургуульд суралцагчдын мэдээллийг МБ-1,2,6,10 маягтаар бүрэлдэхүүн сургууль нэгжүүдээс гаргуулан авч ШУТИС-ийн нэгтгэл гарган, БСШУЯаманд хүргүүлэв. Мөн Төсвийн зардлын гүйцэтгэл /ДБ-6 маягтаар/, Сургалтын орчин /ДБ-11 маягтаар/ -ы статистик мэдээллийг бүрэлдэхүүн сургууль, нэгжүүдээс гаргуулан авч нэгтгэн, БСШУЯ-д хугацаанд нь өгсөн. 35. Санхүү, бүртгэлийн ажилтнуудыг удирдан зохион байгуулах, үйл ажиллагааг нь уялдуулах, хяналт тавих, тэднийг хөгжүүлэх, арга зүй мэдээллээр хангах, сургалт семинар зохион байгуулах, аттестатчилах, хариуцлага тооцох, урамшуулах зэрэг ажлууд хийгдэж байна. Тухайлбал, 2008 онд бүрэлдэхүүн сургуулийн ахлах нягтлан бодогчдыг "Санхүүгийн менежмент" болон "Хяналт, үнэлгээ, шинжилгээний онол арга зүй" зэрэг сургалтанд хамруулсан. Зарим ажилтнуудад ажлын хариуцлага тооцож, сануулга өгсөний зэрэгцээ нэг ажилтныг "Санхүүгийн тэргүүний ажилтан" цол тэмдгээр шагнуулахаар СЯ-нд тодорхойлсон, мөн Ректорын шагналаар 2 хүн, бусад байгууллагын шагналаар 4 хүн шагнагдсан. Бүрэлдэхүүн сургууль, нэгжийн ахлах нягтлан бодогч нарын ажлыг шалган дүгнэж, урамшуулал олгосон. 36. Цаг үеийн болон төлөвлөгөөт асуудлуудыг боловсруулан Ректорын ба Удирдах зөвлөлийн хурлаар хэлэлцүүлэх, шийдвэр гаргуулах, биелэлтийг хангах, тухайлбал:
37. 2008 оны санхүүгийн нэгдсэн тайланд "Далайван-Аудит" ХХК-иар хөндлөнгийн аудит хийлгэж байгаа ба энэ аудитын компанийн зүгээс санхүүгийн тайлагналын талаар үнэлгээ тавиулж, тэндээс өгөгдсөн зөвлөмжүүдийг нягтлан бодох бүртгэлийн үйл ажиллагаанд хэрэгжүүлэн ажиллах талаарх албан тоотыг бүрэлдэхүүн сургуулиудад хүргүүлсэн. 38. Бүрэлдэхүүн сургууль, нэгжүүдэд дотоод аудитыг батлагдсан графикийн дагуу явуулж ирсэн, гэхдээ 2008 онд тодорхой шалтгаанаар дотоод аудитын зарим ажлууд хийгдээгүй байна. 39. Бүрэлдэхүүн сургууль, нэгжүүдийн жилийн эцсийн эд хөрөнгийн тооллогын дүнг гаргасан ба ЗГ-ын 2008.5.07-ний өдрийн 167 тоот тогтоолын дагуу төрийн өмчийн тооллогын арга хэмжээг их сургуулийн хэмжээнд зохион байгуулсан. 40. 2006 онд хийсэн УМХГ-ын санхүүгийн шалгалтын мөрөөр хийх ажлын төлөвлөгөө гарган батлуулж, шалгалтын мөрөөр хийсэн ажил, актны биелэлтийн мэдээг тухай бүр гарган УМХГазарт хүргүүлсэн. Одоогийн байдлаар Сүхбаатар аймгийн ЗДТГ-н 15.0 сая төгрөгийн өр барагдуулахаас бусад бүх зөрчлүүдийг бүрэн арилгасан. 41. Сургалтын төлбөрийн өр авлагыг барагдуулах талаар тодорхой график, төлөвлөгөөтэй ажиллаж ирсэн. Тухайлбал: Сургалтын төлбөрийг шүүхээр шийдвэрлүүлэх, албадан гүйцэтгүүлэх, шаардан биелүүлэх замаар гүйцэтгэсэн. 2008 онд давхардсан тоогоор бүрэлдэхүүн сургуулиудаас 89 оюутанд холбогдох 68.728.250 төгрөгийн төрийн сангийн суутгалтай холбогдсон материалыг хүлээн авч, 29 хүнд холбогдох 22,2 сая төгрөгийн авлагыг барагдуулсан ба шийдвэр гүйцэтгэлийн шатанд 74 хүнд холбогдох 40.0 сая төгрөгийн материал байна 42. ШУТИС-ийн хэмжээнд байгаа түрээсийн гэрээг СЭЗГ-т төвлөрүүлсэнээр бодлого зохицуулалтын асуудлыг шийдвэрлэх, түрээсийн төлбөрийг тухай бүр тогтоосон хугацаанд орж байгаа эсэхэд хяналт тогтоон ажиллаж байна. 43. "ШУТИС-Хөгжил" сан дансны бүртгэлийг улирал бүр хөтөлж, 2008 оны санхүүгийн болон татварын тайланг гаргаж, СБД-ийн Санхүү, Татварын хэлтэст тушаадаг ба "ШУТИС хөгжүүлэх сан"-гийн дүрмийг шинэчлэн боловсруулж 2008.8.27-ний өдөр Удирдах зөвлөлийн хурлаар батлуулав. Энэ дүрмийн дагуу үйл ажиллагааг идэвхижүүлэх арга хэмжээ хэрэгжих болно. 44. Сургуулиудын профессорын багийн рейтинг тогтоох болон аттестатчилал явуулах ажлын хэсэгт орж ажилласан. 45. ШУТИС-ийн вэб сайтад санхүү, эдийн засаг гэсэн талбарт СЭЗГ-ын холбогдолтой болон танин мэдэхүйн чанартай мэдээллийг оруулж, байнга шинэчилж байна.
СЭЗГ-ын дарга, док, проф. С.ТӨГС
2009.01.12
|
