 |
 |
 |
ШУТИС-ийн Удирдах зөвлөлийн дvрэм
| ШУТИС-ийн Удирдах зөвлөлийн 2006 оны 04 тоот тогтоолын 1-р хавсралт МОНГОЛ УЛСЫН ШИНЖЛЭХ УХААН ТЕХНОЛОГИЙН ИХ СУРГУУЛИЙН УДИРДАХ ЗӨВЛӨЛИЙН ДVРЭМ Нэг. Нийтлэг vндэслэл 1.1. Шинжлэх ухаан технологийн их сургууль (цаашид ШУТИС гэх) нь тус их сургуулийн vvсгэн байгуулагч, багш, оюутан, төгсөгчдийн хамтын удирдлагын төлөөллөөс бvрдсэн Удирдах зөвлөлтэй байна. 1.2. Удирдах зөвлөлийн vндсэн зорилго нь ШУТИС-ийн vйл ажиллагааг удирдан чиглvvлэх, зохион байгуулалт, санхvv, материаллаг баазын хувьд бэхжvvлэх, их сургуулийг хөгжvvлэх бодлого стратегийг тодорхойлох, тvvний хэрэгжилтэнд хяналт тавих, Ректор (захирал)-ын vйл ажиллагаанд vнэлэлт дvгнэлт өгч, дэмжлэг туслалцаа vзvvлэхэд оршино. 1.3. Удирдах зөвлөл нь Монгол улсын Vндсэн хууль, Боловсролын тухай багц хууль, Шинжлэх ухаан, технологийн тухай хууль, холбогдох бусад хууль тогтоомж, төрөөс боловсролын талаар баримтлах бодлого болон энэхvv дvрмийг vйл ажиллагаандаа баримтална. 1.4. Удирдах зөвлөл нь хvний сурч боловсрох эрхийг хангах, дээд боловсрол нээлттэй байх, ардчилал, шударга ёсыг бэхжvvлэх, боловсрол тасралтгvй хөгжих, шинжлэх ухааны vндэслэлтэй, ил тод байх, багш ажиллагчид, суралцагчдын эрх ашгийг хvндлэх зарчмыг удирдлага болгоно. Хоёр. Удирдах зөвлөлийг байгуулж, ажиллуулах 2.1. Удирдах зөвлөл нь ШУТИС-ийг vvсгэн байгуулагч Монгол улсын Засгийн газар буюу Боловсролын асуудал эрхэлсэн төрийн захиргааны төв байгууллага (БАЭТЗТБ), тус сургуулийн багш, оюутан, төгсөгчдийн төлөөллөөс бvрдэнэ. 2.2. Удирдах зөвлөл нь 17 гишvvнтэй байх бөгөөд vvсгэн байгуулагч төрийн төлөөлөл 51-60%, бусад нь профессор, багш, оюутны болон төгсөгчдийн төлөөлөл байна. 2.3. Vvсгэн байгуулагч буюу төрийн төлөөллийг БАЭТЗТБ-ын шийдвэрээр, сургуулийн төлөөллийг Ректорын тушаалаар батална. Профессор, багш нарын төлөөллийг Багш нарын зөвлөлөөс сонгох ба оюутны төлөөлөл нь ШУТИС-ийн ОХ-ны тэргvvн, төгсөгчдийн төлөөлөл нь ШУТИС-ийн Төгсөгчдийн холбооны тэргvvн байна. 2.4. Удирдах зөвлөлийн гишvvдийг 3 жилийн хугацаагаар томилох буюу сонгох бөгөөд жил бvр бvрэлдэхvvний гуравны нэгийг шинэчилж болно. Томилсон, сонгосон төлөөллөө татах буюу солих тухай vvсгэн байгуулагч болон уг төлөөллийг сонгосон байгууллага, хамт олны хурлын шийдвэр, эсхvл гишvvний өөрийн нь хvсэлтийг vндэслэн Удирдах зөвлөлийн бvрэлдэхvvнд өөрчлөлт оруулна. 2.5. Удирдах зөвлөлийн даргыг vvсгэн байгуулагчийн саналаар 3 жилийн хугацаагаар зөвлөлийн гишvvдийн хурлаас ил санал хураалтаар сонгоно. Удирдах зөвлөлийн даргыг хуулийн заалт, vvсгэн байгуулагчийн бодлого шийдвэрийг хэрэгжvvлээгvй зэрэг vндэслэлээр бvрэн эрхийн хугацаа дуусахаас өмнө өөрчилж болно. 2.6. Удирдах зөвлөл нь нарийн бичгийн даргатай байна. Гурав. Удирдах зөвлөлийн vйл ажиллагаа 3.1. Удирдах зөвлөл нь БАЭТЗТБ-ын бодлого, шийдвэрийг vндэс болгож, дараахь чиг vvргийг гvйцэтгэнэ. 3.1.1 Сургуулийн хөгжлийн бодлого, төлөвлөгөө, хөтөлбөр, ШУТИС-ийн дvрмийг хэлэлцэж батлах, өөрчлөх; 3.1.2 Хөрөнгө оруулалт, жилийн төсөв хуваарилалтыг баталж, зарцуулалтанд хяналт тавих; 3.1.3 Сургалтын төлбөр, дотуур байрны vйлчилгээний төлбөр, шинээр элсvvлэх оюутны тоог зохих журмын дагуу тогтоох; 3.1.4 Сургуулийн vйл ажиллагааны тайланг хэлэлцэх, vнэлэлт дvгнэлт өгөх; 3.2. Удирдах зөвлөлийн vйл ажиллагааны vндсэн хэлбэр нь хурал бөгөөд гишvvдийн 60-аас доошгvй хувийн ирцтэй тохиолдолд хурлыг хvчинтэйд тооцож, хэлэлцсэн асуудлаар ердийн олонхийн саналаар шийдвэр (тогтоол) гаргаж, хурлын тэмдэглэл хөтөлнө. Удирдах зөвлөлийн дарга тогтоолд гарын vсэг зурж, сургуулийн тэмдэг дарж баталгаажуулна. 3.3. Удирдах зөвлөлийн хурлыг жилд 2-оос доошгvй удаа хуралдуулна. Харин ээлжит бус хурлыг vvсгэн байгуулагч, Удирдах зөвлөлийн дарга, эсвэл гишvvдийн 1/3-ээс доошгvй хувийн саналаар хуралдуулж болно. Хурлын товыг Удирдах зөвлөлийн дарга тогтоож, нарийн бичгийн дарга 3-аас доошгvй хоногийн өмнө гишvvдэд мэдэгдэж, холбогдох материалыг хvргvvлнэ. 3.4. Хуралд оролцох боломжгvй гишvvн хэлэлцэж шийдвэрлэх асуудлын талаарх саналаа урьдчилан бичгээр өгч болох бөгөөд энэ тохиолдолд хуралд оролцсонд тооцно. 3.5. Удирдах зөвлөлийн хуралд хэлэлцэж байгаа асуудалтай холбогдуулан сургуулийн Ректор (захирал), проректор (дэд захирал), газрын дарга, багш, ажилтан, оюутны төлөөлөгчийг Удирдах зөвлөлийн даргын зөвшөөрлөөр оролцуулж, санал, хvсэлт, тайлбарыг сонсож болно. 3.6. Удирдах зөвлөл өөрийн vйл ажиллагаанд туслах vvрэг бvхий ажлын хэсэг байгуулан ажиллуулж болно. 3.7. Удирдах зөвлөлийн дарга дараахь чиг vvргийг хэрэгжvvлнэ. Vvнд: 3.7.1 Удирдах зөвлөлийг хуралдуулах хугацаа, хэлэлцэх асуудлыг vvсгэн байгуулагч болон их сургуулийн Ректортой тохиролцох, хурлыг зохион байгуулах, хурлаас гарсан шийдвэрийг батламжлах, хэрэгжvvлэх арга хэмжээ авах; 3.7.2 Удирдах зөвлөлийн гишvvд, нарийн бичгийн даргад ажил vvргийн хуваарь тогтоож хариуцуулах, vvрэг даалгавар өгөх, биелэлтийг хянах, шаардлагатай гэж vзвэл Удирдах зөвлөлийн хурлаар хэлэлцэж, vнэлэлт дvгнэлт өгөх; 3.7.3 Удирдах зөвлөлөөс томилсон ажлын хэсгийн бvрэлдэхvvн, ажлын чиглэлийг тогтоох, төлөвлөгөөг батлах, гvйцэтгэлд нь хяналт тавих; 3.7.4 Удирдах зөвлөлийн гишvvдийн vйл ажиллагаа, оролцооны талаархи vнэлэлт, дvгнэлтийг тухайн төлөөллөө сонгосон байгууллагад нь мэдэгдэх; 3.8. Удирдах зөвлөлийн гишvvн дараахь чиг, vvргийг хэрэгжvvлнэ. Vvнд: 3.8.1 Удирдах зөвлөлийн хурлаас гарсан шийдвэрийг хэрэгжvvлэх; 3.8.2 Удирдах зөвлөлийн хурлаар хэлэлцэх асуудал, хурлын дэг, гарах шийдвэрийн талаар саналаа хэлэх, vзэл бодлоо чөлөөтэй илэрхийлэх; 3.8.3 Удирдах зөвлөлөөс өөрт хариуцуулсан ажил vvрэг, даалгаврыг чанартай биелvvлж, зөвлөлийн хурал, даргад мэдээлэх; 3.8.4 Удирдах зөвлөлийн шийдвэрийг хэрэгжvvлэхэд дэмжлэг туслалцаа vзvvлэх, тvvний биелэлтийн талаар мэдээлэл авах, эрх хэмжээнийхээ хvрээнд хянан шалгах ажиллагаанд оролцох; 3.8.5 Удирдах зөвлөлийн шийдвэрийг хэрэгжvvлэх талаар холбогдох хvмvvст шаардлага тавих, тайлбар гаргуулах, хуралд асуудал оруулж хэлэлцvvлэх; Дөрөв. Удирдах зөвлөл, vvсгэн байгуулагчийн хамтын ажиллагаа 4.1. Удирдах зөвлөл нь vйл ажиллагааныхаа явц, vр дvнг vvсгэн байгуулагчийн өмнө тайлагнана. 4.2. Vvсгэн байгуулагч нь Удирдах зөвлөл дэх өөрийн төлөөллийн vйл ажиллагаанд vнэлэлт, дvгнэлт өгч, шаардлагатай бол энэ дvрмийн 2.4, 2.5-д заасны дагуу холбогдох арга хэмжээг авна. 4.3. Удирдах зөвлөл нь ШУТИС-ийн Ректорыг томилох, чөлөөлөх саналыг vvсгэн байгуулагчид тавьж болно. Тав. Бусад зvйл 5.1. Удирдах зөвлөл нь хуулийн этгээдийн эрх эдлэхгvй бөгөөд зөвлөлийн тогтоол, хурлын тэмдэглэлийн хэвлэмэл хуудастай байна. Удирдах зөвлөлийн албан хэрэгт сургуулийн тэмдгийг хэрэглэнэ. 5.2. Удирдах зөвлөлийн vйл ажиллагаанд шаардагдах бичиг хэрэг, хурлыг зохион байгуулах, хурлын шийдвэрийг хэрэгжvvлэхэд шаардагдах зардлыг их сургуулийн тухайн жилийн төсөвт тусган зарцуулна. |
